Zarına Músilimniń “Sókken áńgime” baǵdarlamasyna suhbat bergen reper Dımashty syılaıtynyn da atap ótken.
«Dımashtyń oryndaý sheberligi dástúrli emes, biraq ol bizdi álemge tanytyp jatyr. Tabıǵat boıynsha erkek adam shıqyldamaıdy. Erkektiń daýsy tenor bolý kerek. Mysaly, Dımashtyń daýsy soprano. Ol tańǵalarlyq jaǵdaı. Tarıhqa júginsek, 2-3 ǵasyrda bir týatyn balalarda bolatyn daýys”, – dep túsindirdi óner ıesi.
Ol ózimen tegi birdeı ánshiniń ánderin tyńdaı almaıtynyn alǵa tartqan.
“Men ony baýyrym dep, tegimiz bir dep qansha syılaǵanymmen, onyń ánderin kúndelikti tyńdaı almaımyn. Dımash tyńdaıtyn ánshi emes, baıqaýdyń ánshisi. Shetelge aparyp kórsetetin, maqtan tutatyn ánshilerdiń biri. Biraq men Dımashtyń ánderimen ony toıǵa shaqyrmas edim», – deıdi Qudaıbergenov.
