2017 jyly 11 mamyrda Taldyqorǵan qalasynda týǵan Mýslıma Samatqyzy 18 mıllıonynshy turǵyn retinde tirkelgen. Odan keıin 2021 jyly 20 maýsymda Jánııa Azamatqyzy ómir esigin ashyp, Almaty oblysy ekige bólinbeı turǵan tusta Jetisýdyń balasy sanalǵan edi. 14 qarasha kúni tańǵy saǵat 8-de Ázimbaevtar áýletine Aısultan Muhtaruly atty shekesi torsyqtaı batyr qosyldy.
«Osyndaı úlken madaqqa ıe bolyp otyrǵanymyzǵa áli sene almaı turmyn. Kópbalaly otbasy boldyq. Bul – bizdiń tórtinshi balamyz. Qýanyshymda shek joq. Taldyqorǵanda 2013 jyldan beri turamyn, ózim áskerı adammyn. Týǵan jerim – Shymkent qalasy. Otaý qurǵanymyzǵa 8 jyl boldy. 3 ul, 1 qyzymyz bar. On jyldan beri Jetisý jerinde qyzmet etip jatyrmyn. Ulymnyń esimin ózim qoıdym», deıdi Aısultannyń ákesi Muhtar Sábdenbaıuly.
Sábıdiń salmaǵy – 3 kg, boıy – 50 sm. Anasy Dıana Talǵatqyzynyń jaǵdaıy jaqsy. Qazir dárigerlerdiń jeke baqylaýynda.
Qýanyshty jańalyqty estı sala oblys ákimi Beıbit Isabaev qalalyq perzenthanaǵa arnaıy baryp, jas otbasyny qýanyshymen quttyqtady.
«20 mıllıonynshy turǵynnyń týý baqyty Jetisý jerine buıyrǵan eken. Bul – tarıhy tereń, qazynaly jer. Sol baıtaq mekenniń bir perzenti bolý – úlken mártebe. Til-kózden aman bolsyn. Jumystaryńyzǵa tabys tileımin. Balalar – bizdiń baılyǵymyz! Árbir sábıdiń aman-esen jer jánnaty Jetisýda ómirge kelýi – biz úshin úlken qýanysh. Osyndaı jaqsylyqtar jaqsylyqqa ulasa bersin. Aısultannyń deni saý, ǵumyry uzaq, bolashaǵy jarqyn bolsyn!», dedi B.Isabaev.
Kópbalaly otbasyna Prezıdent atynan arnaıy syılyqpen qatar, «Otbasy bankiniń» 2 mln teńgelik sertıfıkaty tabystaldy.
Jetisý oblysy
