- Syrqattanýshylyqtyń 55 jaǵdaıy ıaǵnı, 73,3% 14 jasqa deıingi balalar arasynda tirkelgen. Jasóspirimder arasynda derttiń órshýi vaksınasııadan bas tartý saldarynan oryn alyp otyr. Qazirgi ýaqytta respýblıka boıynsha 6 aıdan 10 aıǵa deıingi balalardy qyzylsha jáne parotıtke qarsy qosymsha jappaı ımmýndaý bastaldy. Jappaı ımmýndaý epıdemıologııalyq jaǵdaı turaqtalǵanǵa deıin jalǵasady, - dedi A.Toqtabaeva.
Búginde jappaı ımmýndaý sheńberinde 2449 adam ekpe alǵan. Onyń ishinde 6 aıdan 10 aı 29 kúnge deıingi balalar sany – 1400, 2-4 jastaǵy balalar – 1013, medısına salasynyń 36 qyzmetkeri vaksınasııalanǵan.
Aıgúl Toqtabaevanyń aıtýynsha, qyzylshany juqtyrýdyń, ıa bolmasa, asqynýynyń aldyn-alýdyń bir ǵana joly – vaksınasııa alýda. Sol negizde oblys boıynsha 6 aıdan 11 aıǵa deıingi 9191, 2 jastan 4 jasqa deıingi 25700 náresteni vaksınasııadan ótkizý josparlanyp otyr.
Ekpelerdi júrgizý úshin DDU sertıfıkattaǵan jáne memlekettik tirkeýden ótken qyzylshaǵa, qyzamyqqa, epıdemııalyq parotıtke qarsy aralas vaksına qoldanylady. Vaksınasııa oblystaǵy ruqsat etilgen barlyq medısınalyq nysandarda tegin júrgiziledi.