Alǵashynda Chelıabide «Traktormen» kúsh synasty. Birinshi kezeńde esep ashylǵan joq. Úzilisten keıin de báseke bir saryndy ótip jatqan edi. Bir sátte Entonı Kamara qarsylasyna qarsy óte dóreki oınap, erejeni óreskel buzdy. Sol úshin de «Barystyń» sapyndaǵy kanadalyq legıoner muz aıdynynan bes mınýtqa qýyldy. Bul basymdyqty «Traktor» utymdy paıdalandy. 38-mınýtta Vladımır Tkachev esep ashsa, 41-mınýtta Sergeı Telegın ekinshi shaıbany qaqpaǵa toǵytty – 2:0. Kóp keshikpeı «Metallýrgpen» sheberlik baıqasty. Magnıtogorskidegi match ta dál sondaı eseppen aıaqtaldy – 2:0. 20-mınýtta Lıýk Djonson jáne 37-mınýtta Denıs Zernov nysanany dál kózdep, jergilikti komandaǵa jeńis syılady.
Qazirgi kezde «Barys» QHL-dyń turaqty birinshiliginiń jarys kestesinde 22-oryndy qanaǵat tutqan. 33 oıynda olar nebári 25 upaı jınady. О́ziniń kelesi kezdesýin jerlesterimiz syrtta Tómengi Novgorodtyń «Torpedosy» ótkizedi.
