Ortalyqtyń ashylý saltanatyna Densaýlyq saqtaý mınıstri Ajar Ǵınııat, Syrtqy ister mınıstrligi Investısııalar komıtetiniń tóraǵasy Ardaq Zebeshev, AQSh-tyń eldegi Tótenshe jáne ókiletti elshisi Denıel Rozenblým, GE HealthCare kompanııasynyń Reseı, TMD-daǵy prezıdenti jáne atqarýshy dırektory Elena Legezına jáne Astana medısına ýnıversıtetiniń rektory Kamaljan Nadyrov qatysty.
Atalǵan kompanııa álemdik úzdik tájirıbeni paıdalana otyryp, dıagnostıka dárigerlerin oqytatyn saraptamalyq alań bolady. Munda dárigerler medısına ǵylymy men praktıkasynyń jańa jetistikteri týraly ýaqtyly aqparat alyp, ózderiniń kásibı daıarlyq deńgeıin udaıy jetildire alady. Is-shara barysynda Densaýlyq saqtaý mınıstri Ajar Ǵınııat sheteldik kompanııamen jasalǵan kelisim týraly tarqatyp aıtyp berdi.
– Bıyl qyrkúıekte Nıý-Iorkte Prezıdent Qasym-Jomart Toqaev densaýlyq saqtaý júıesin damytý jóninde birqatar kelisimge qol qoıdy. Bul kelisimderdiń biriniń nátıjesi GE kompanııasymen ÝDZ apparattaryn, kompıýterlik tomograftardy óndirý boıynsha birlesken zaýyt ashý jobasy boldy. Iri kompanııamen áriptestik baılanys otandyq óndiristi damytýǵa ǵana emes, sonymen qatar medısına mamandaryn oqytýǵa, medısına qyzmetkerlerin oqytýǵa jáne olardyń biliktiligin arttyrýǵa, ǵylymı zertteýler júrgizýge de septesedi, – dedi A.Ǵınııat.
Astana medısına ýnıversıtetiniń rektory Kamaljan Nadyrovtyń aıtýynsha, mundaı baǵdarlamalar eldegi úzdiksiz medısınalyq bilim berý tujyrymdamasyn qoldaýǵa jáne damytýǵa yqpal etedi.
– Osy sharýanyń barlyǵy ýnıversıtettegi oqytýshy-professor quramnyń aldyn ala úılestirgen jumysynyń jáne Densaýlyq saqtaý mınıstrliginiń qoldaýynyń arqasynda iske asyp otyr. Búginde ýnıversıtet 70-ten asa memorandým jasasty. Bıyldyń ózinde biz elimizde densaýlyq saqtaý salasyn damytýǵa baǵyttalǵan túrli máseleler boıynsha jetekshi halyqaralyq jáne qazaqstandyq kásibı qaýymdastyqtardyń qatysýymen 40-qa jýyq halyqaralyq forým, konferensııa, kongress, sez ótkizdik. Endi ashylyp otyrǵan oqý ortalyǵy elimizdegi sáýlelik dıagnostıka salasynyń bilikti mamandaryn kóbirek daıarlaýǵa kómektesedi. Ýnıversıtet jyl saıyn júzge jýyq rentgenolog-rezıdent daıyndap shyǵarady jáne 150 dáriger oqytady. Jańa oqý ortalyǵynyń Astana medısına ýnıversıtetiniń bazasynda ashylýy – este qalarlyq oqıǵa. Ýnıversıtettiń kópjyldyq tájirıbesi bar. Professorlarymyz Qazaqstannyń radıologııalyq qoǵamyn basqarady jáne elimizdiń barlyq óńirinen sarapshylardy oqytady. Bıyl bizdiń ýnıversıtette Ortalyq Azııa elderindegi alǵashqy radıologııa ǵylymı zertteý ınstıtýty ashylyp, oǵan akademık J. Hamzabaevtyń esimi berilgenin de atap ótkim keledi, – deıdi K.Nadyrov.
GE Healthcare Academy oqý baǵdarlamasy birinshi kezekte joǵary tehnologııalyq medısınalyq jabdyqty tıimdi jáne qaýipsiz paıdalanýdyń praktıkalyq daǵdylaryn qalyptastyrýǵa baǵyttalypty. Sonymen qatar munda pasıentterge medısınalyq qyzmet kórsetý sapasyn arttyrýǵa baǵyttalǵan oqytý sheberlik sabaqtary ótkiziledi. Oqý ortalyǵynyń bazasynda radıologııa salasynda ǵylymı-pedagogıkalyq kadrlardy daıarlaý jaǵy da josparlanypty. Bul jumysqa GE Healthcare sarapshy dárigerleri belsene qatysady eken.
GE Healthcare kompanııasynyń Reseı, TMD-daǵy prezıdenti jáne atqarýshy dırektory Elena Legezına da ortalyqtyń dárigerlerdi oqytýda múmkindigi mol ekenin aıtty.
– Kompanııa Qazaqstannyń densaýlyq saqtaý salasyndaǵy mamandary úshin bilim berý jobalary men baǵdarlamalaryn qalyptastyrýǵa jáne damytýǵa óz úlesin qosý múmkindigine ıe bolyp otyr. GE HealthCare Academy – dárigerlerdi keshendi oqytýǵa arnalǵan zamanaýı alań. Dıagnostıkanyń jańa tehnologııalary men ádisteri týraly ózekti aqparatqa qol jetkizýge múmkindik beredi. Sondaı-aq kásibı baılanystar jelisin keńeıtýge kómektesedi, – dep málimdedi E.Legezına.
Ortalyqta sabaqtardy Astana medısına ýnıversıtetiniń oqytýshylary jáne klınıkalyq oqytý boıynsha GE HealthCare-niń joǵary bilikti mamandary ótkizedi. Dárister men sheberlik sabaqtaryna qatysýǵa jetekshi eldegi jáne sheteldik sarapshylar shaqyrylady eken. Aqparat úshin aıtar bolsaq, GE HealthSare kompanııasy ozyq medısınalyq jabdyqtardy, dıagnostıkaǵa arnalǵan farmasevtıkalyq preparattardy, sonymen qatar ıntegrasııalanǵan sıfrlyq sheshimderdi, derekterdi taldaý qyzmetteri men júıelerin ázirleıtin álemdik jetekshi óndirýshilerdiń biri sanalady. GE HealthSare 100 jyldan asa ýaqyt sheńberinde úzdiksiz oqytý baǵdarlamasyn ázirleý arqyly dárigerler men medısınalyq mekemelerdiń tıimdiligin arttyrýǵa, naqty dıagnoz qoıýǵa, ońtaıly emdeý ádisterin tańdaýǵa yqpal etip keledi.
