Foto: polisia.kz
«Profılaktıkalyq is-sharalar ótkizý barysynda ShQO PD uıymdasqan qylmysqa qarsy kúres basqarmasynyń jedel ýákilderi 21 jastaǵy azamattan 100 myń teńge kóleminde aqshalaı qarajatty bopsalaý faktisin anyqtaǵan. Habarlama kelip túskennen keıin polıseıler dereý tekserýge kiristi. Barlyq jedel-izdestirý is-shara keshenin ótkizgennen keıin, aqshalaı qarajatty alý kezinde Nazarbaev dańǵylyndaǵy aýlalardyń birinde qylmys jasaǵan 20 jastaǵy kúdikti ustaldy. Oqıǵa ornynda tártip saqshylary onyń zańsyz áreketin rastaıtyn zattaı aıǵaqtar – aqshany tárkiledi», delingen aqparatta.
Kúdikti jábirlenýshimen birneshe márte jolyǵyp, qarý kezenip qorqytý arqyly aqsha talap etken. Kepilzat retinde jeke kýáligin de alyp ketken. Jedel ýákilder qarýdy kúdiktiniń týysynan tárkilegen. Qylmystyq kodekstiń 194-baby 2-bóligi boıynsha sotqa deıingi tergeý júrgizilip jatyr. Bopsalaýshy 7 jylǵa deıin bas bostandyǵynan aıyrylýy múmkin.
