Bul baıqaý atalǵan joǵary oqý ornynda osymen úshinshi márte ótip otyr. Oǵan ýnıversıtettegi barlyq fakýltetten 30-ǵa tarta stýdent qatysty. Solardyń ishinen júzge tarta týyndyny jatqa oqıtyn Serik Qaldannyń baǵy janyp, úzdik dep tanyldy.
«Baıqaý ótedi degennen keıin birden qatysýǵa bel býdym. Shynymdy aıtsam, «Kúltegin» eposyn eki jarym apta ishinde jattap aldym. Qıyndyǵy da boldy. О́ıtkeni shyǵarmada ejelgi túrki ataýlary men geografııalyq termınder kóp kezdesedi. Sondaı-aq bul epostyń basqa jyrlarǵa qaraǵanda erekshelikteri de bar», dedi ol.
Daryndy jas «Qobylandy batyr» men Marabaı aqynnyń dastandaryn da jatqa biledi. Sonymen birge ol 150 óleń, 11 qarasózben birge, Abaı atamyzdan bastap, Ilııas Jansúgirov, Muqaǵalı Maqataev, Muhtar Shahanov óleńderin múdirmeı oqıdy. Ol bir sózinde qazir kórkem shyǵarmalardy jatqa oqıtyn jastardyń kóp emes ekenin jetkizdi.
«Osyndaı baıqaýlarǵa qatysqan jigitterdi sırek kóremin. Aǵa býyn ókilderimen salystyrǵanda qazirgi jastar kórkem týyndyny jatqa aıtýǵa onsha qyzyqpaıdy. Odan góri biz qysqa beınejazbalardy kórip, shaǵyn mátinderdi oqýǵa úırengenbiz», deıdi S.Qaldan.
Aıta keteıik, baıqaýǵa belgili túrkitanýshy ǵalym Qarjaýbaı Sartqojauly, Memlekettik Eltańba avtory, professor Jandarbek Málibekov, opera ánshisi, Memlekettik syılyqtyń laýreaty Kenjeǵalı Myrjyqbaı sekildi elimizge tanymal azamattar qazylyq jasady.
