Alǵashqy matchty jerlesterimiz Italııanyń «Iglz Ońtústik Tırol» klýbyna qarsy ótkizdi. Bul báseke 3:1 esebimen aıaqtaldy. Odan keıin Majarstannyń «Býdapesht Jegkorong akademııasymen» sheberlik baıqasty. Oıynnyń basynan aıaǵyna deıin shabýyldaǵan almatylyqtar qarsylastar qaqpasyna jaýapsyz bes shaıba saldy – 5:0. Bul goldardyń avtorlary – Olga Shırokova (4-mınýt), Loren Nıkolson (21-mınýt), Aıda Oljabaeva (22-mınýt), Meraııa Hınds (43-mınýt) jáne Loren Nıkolson (58-mınýt).
Al Qurlyq kýboginiń irikteý saıysynyń sońǵy kezdesýinde Astananyń «Nomady» «Latvııanyń «Zemgale» klýbyn 4:1 esebimen utty. Sóıtip, Fedor Polıshýktiń shákirtteri kelesi jyldyń 12-24 qańtarynda ótetin atalǵan jarystyń fınaldyq bóligine joldama aldy.
