Tamaq sapasyn tekseredi

Máseleniń mánisin anyq­taý úshin memlekettik orta bilim berý uıymdarynda ta­maqtaný sapasyna monıto­rıng júrgizý jónindegi komıssııalar jumys istegen bolatyn. Onyń quramynda me­dısına qyzmetkerleri, mek­­tep ákimshiligi jáne ata-ana­lar komıtetteriniń ókil­de­ri bar.

Tamaqtanýdyń norma­lar men standarttarǵa sáı­kes­tigin qamtamasyz etý maq­satynda top jumysy qala­nyń barlyq mektebinde bekitilgen dastarqan mázi­rin­ qadaǵalaıdy. Mázir tamaq­ta­ný normalaryn, Qazaq tamaq­taný akademııasynyń usy­nym­daryn, balalardyń jas erekshelikterin eskere­ oty­ryp ázirlengeni bel­gi­li. Mektep máziri týraly­ aqparat ashyqtyq pen qoljetimdilikti qamta­ma­syz etý úshin bilim bas­qar­ma­synyń jáne bilim berý uıym­darynyń ınternet-resýrs­­tarynda jarııalanatyn bolady.

Memlekettik orta bilim berý mekemelerinde bilim alýshylar bıyl 830 teńgege tamaq­tanady. Osy jyly baǵa­syna saı taǵam túr­leri de kóbeıgen. Bul bala­lar­ǵa sapa­ly tamaqtanýǵa múm­kin­dik beredi.

Almaty qalasy bilim bas­­qar­masynyń basshysy Láz­zat­ Jyl­qybaevanyń aıtýynsha, memlekettik bilim berý meke­­me­lerinde tamaqtaný sapa­syn baqylaý jáne qam­ta­­masyz etý­ júıesi balalar men jasós­pi­rim­derdiń den­saý­lyǵy men bola­shaǵyna qam­qorlyq jasaý­da­ sheshýshi ról atqarady. Oqý­shy­lardyń tamaq­tanýyn baqy­laý­ jáne qada­ǵalaý joǵary stan­dart­­­­tarǵa jetýdi kózdeýmen qatar bolashaq urpaqqa qam­qor­lyqty kórsetedi. Bıyl bıýd­jet esebinen 1-4-synyp oqý­shylaryn tegin tamaqpen qam­ta­masyz etýge 18,6 mlrd teńge jáne halyq­tyń áleýmettik osal top­­tary sanatyndaǵy 5-11-synyp­ta­ oqıtyn oqý­shy­­­­lardy tegin ta­maqpen qam­­tamasyz etýge 1,8 mlrd teńge bólý josparlanǵan. Te­gin tamaqtanýǵa arnalǵan jal­py­ bıýdjet 20,4 mlrd teńgeni quraıdy.

Tamaqtaný sapasyna­ qa­tysty ótinishter men sha­ǵym­dar túsken jaǵdaıda, vedomst­voaralyq sarap­ta­ma toby mektepter­de tamaq­ta­nýdy uıym­das­ty­rý­dy­ jaqsartý úshin tekserý júr­gizedi. Bul baqylaýdy qam­tamasyz ete otyryp, sapa stan­darttaryn saqtaýǵa jáne oqýshylardyń durys tamaq­­­tanýyn qamtamasyz etýge yntalandyrady.

Qazirgi ýaqytta tamaq­ta­ný sapasyn baqylaý jónin­de­gi vedomstvoaralyq saraptama tobynyń erejesi qalalyq ákimdik qaýlysymen beki­tilip, monıtorıng aktisine oraı usynymdar ázirlendi.

ALMATY