Senator óz sózinde Armenııa men Qazaqstannyń ekijaqty túrde de, birqatar ıntegrasııalyq birlestik aıasynda da ózara is-qımyly deńgeıiniń joǵary ekenin atap ótti. «Qazaqstan men Armenııa arasyndaǵy ózara parlamentaralyq is-qımyl joǵary deńgeıde júzege asyp keledi. Oǵan dostyq tobynyń qyzmeti de yqpal etip jatyr. Eki eldiń Parlamentteri tóraǵalarynyń kezdesýleri de turaqty túrde ótip júr. Bizdiń elderimiz Parlamentteriniń delegasııalary halyqaralyq dıalog alańdarynda ózara tyǵyz is-qımyl jasap keledi», dedi Nurtóre Júsip.
Senator Parlamenttiń jańa sessııasynyń ashylýynda Prezıdent usynǵan Qazaqstannyń jańa ekonomıkalyq damý úlgisi týraly da aıtyp berdi. Depýtat jańa baǵyttyń basymdyqtary ádildik, ınklıýzıvtilik jáne pragmatızm dep jarııalanǵanyn atap ótti.
Vagarshak Akobıan is-shara sońynda Armenııanyń Qazaqstanmen yntymaqtastyqty joǵary baǵalaıtynyn, sondaı-aq ekijaqty qarym-qatynasty nyǵaıtýǵa belsendi yqpal etýge daıyn ekenin atap ótti.
