О́ńir depýtattary halyqpen tyǵyz baılanysta

Abaı oblystyq máslıhaty osy saılaýdan keıingi birinshi sessııa­syn 30 naýryzda ótkizgen edi. Atalǵan sessııada Abaı oblystyq máslıhatynyń tóraǵasy bolyp Qýanysh Súleımenov saılandy. Sonymen qatar oblys­tyq máslıhattyń bes turaqty komıssııasy qurylyp, «Abaı oblysy máslıhatynyń apparaty» memlekettik mekemesiniń qury­lymy men shtattary bekitilgenin atap ótken jón.

Abaı oblystyq máslıhatyna bir mandatty aýmaqtyq saılaý okrýgteri boıynsha 15 depýtat, 3 saıası partııadan – 13 depýtat «Amanat» partııasynan, 1 de­pý­­tat «Respublica» partııasynan jáne 1 de­pýtat «Qazaqstan Ha­lyq par­­tııa­synan» saılanǵan.

Búginge deıin Abaı oblystyq máslıhaty 9 sessııa otyry­syn ótkizdi, onyń 2-eýi kezekti,7-eýi kezekten tys otyrys. Taıaýda bir kezekten tys kóshpeli sessııasy Jarma aýdanyn­da ótti. Oblystyq máslıhat depýtat­tary barlyǵy 72 sheshim qabyl­dasa, onyń ishinde 16 sheshim nor­matıvtik-quqyqtyq aktiler quja­ty esebine jatady. Atalǵan sheshim­derge Abaı oblysynyń Ádi­let departamenti keli­sim berip, elektrondyq túrdegi norma­tıv­tik-qu­qyqtyq aktilerdiń Etalon­dy ba­qy­laý bankine resmı jarııalanǵan.

Sessııa otyrystarynda «Abaı ob­lysyndaǵy keıbir eldi me­ken­derdiń  shekarasyn ózgertý týra­ly», «2023-2025 jyldarǵa ar­nal­­ǵan oblystyq bıýdjet týra­ly», so­nymen qatar bıýdjetke ózge­ris­ter engizý, «Abaı obly­sy­nyń qor­shaǵan ortasyna teris áser etkeni úshin tólemaqy mólsher­lemelerin bekitý jáne kóterý», «Abaı oblysynda jylý maýsymyna daıyndyq jáne ótkizý qa­ǵı­dalaryn bekitý», «Abaı ob­lysynyń azamattary­na jekemen­shikke tegin usyny­lýy múmkin jer ýchas­keleriniń shekti (eń joǵa­ry) mól­sherin belgileý», «Abaı obly­sy­nyń halqyn orta­lyq­­tan­dy­ryl­maǵan aýyz sýmen jabdyq­taý kezin­de jerústi jáne jerasty sý obek­tileri­nen sý alý ere­jesin bekitý» s­ekil­di ózek­ti máse­lelerdiń she­shim­deri qa­byl­da­nyp, jańa ob­lys­­­ty qa­­lyp­­­tas­tyrý­da mańyz­dy ról atqa­ratyn jaılar qabyldandy.

Depýtat jumysynyń eń mańyz­dysy – el múddesine qatysty máse­lelerdi der kezinde kórip, kótere bilý. Bul iste turaqty komıs­sııa­nyń mańyzy zor. Abaı oblystyq más­lıhatynyń 5 turaqty komıs­sııasy bekitilgen. Olar: ekonomı­k­a­lyq jáne qarjylyq, kásipker­lik qyz­metti damytý salasyn­daǵy tu­raq­ty komıssııasy; agroónerkásip­tik keshen jáne ekologııany damytý sala­syndaǵy turaqty komıssııasy; ha­lyqty áleýmettik qorǵaýdy, bilim jáne ǵylym, densaýlyq saqtaýdy, mádenıet jáne sportty damytý salasyndaǵy turaqty komıssııasy; ónerkásipti jáne jer qoınaýyn paıdalaný damytý salasyndaǵy turaqty komıssııasy; depýtattyq ókilettilik, etıka jáne zańdylyq máseleleri jónindegi turaqty komıssııasy. Esepti kezeńde turaqty komıs­sııa otyrystarynda barlyq máse­le qaralyp, sessııaǵa joldan­dy. Atap aıtqanda, halyqty áleý­mettik qorǵaý, oblystyq bıýd­jet­ti qalyptastyrý, naqtylaý jáne oryn­daý, azamattardyń qu­qyq­ta­ry­ men múddelerin qorǵaý, avto­kó­lik joldarynyń jaǵdaıy sııaqty ózekti máseleler talqylandy.

Depýtattyq korpýs óńirdiń áleýmettik-ekonomıkalyq da­mýyna, josparlaý men bıýdjetti qa­lyp­tastyrýdyń tıimdiligin ba­qy­­laýǵa, onyń maqsatty jáne tıim­­di paıdalanylýyna, sondaı-aq mem­lekettik baǵdarlamalardyń óz deń­ge­ıinde iske asýyna basa na­zar aýda­rady. Ras, máseleler az emes. Ob­lystyq máslıhat bul máselelerdi sheshý úshin eń áýeli bıýdjettiń jumsa­lýy men úkimettik jobalar­dyń jumysyn talapqa saı uıym­das­tyrýǵa jiti nazar aýdarady.

«Abaı oblysy máslıhatynda depýtattardyń azamattardy qabyl­daý kestesi bar. Kestege sáıkes oblys turǵyndary depýtattarǵa saýaldary nemese ótinishterin tikeleı qabyldaýda aıta alady. Bul depýtattardyń ashyqtyǵy men halyqqa jaqyn ekenin kórsete­di. Dál osyndaı jumys barlyq aýdan­dyq máslıhat tóraǵasyna usynylǵan, barlyq shalǵaı jatqan óńirlerde jalǵasyn tabady dep senemiz. Aımaǵymyzǵa keletin bolsaq, oblys boıynsha túıtkildi máselelerdi sheshetin jumystarǵa oblystyq, qalalyq jáne aýdandyq máslıhat depýtattary jaýapty. Halyq qalaýlylary jumystardyń basy-qasynan tabylyp, orynda­lýyn qadaǵalaıdy. Bul rette Abaı oblystyq máslıhat depýtattary 11 depýtattyq saýal joldap, 21 suranys hat jiberdi», deıdi oblystyq máslıhat tóraǵasy Qýanysh Serqazyuly.

Oblys turǵyndarynyń jaǵ­da­ıy­­men jáne óńirlerge máse­le­lermen tanysý maq­­­satynda Abaı oblystyq máslı­ha­­­ty­nyń tóraǵasy Qýanysh Súleı­me­nov qala jáne aýdan­darǵa jumys saparymen baryp, turǵyndarmen kezdesý ótkiz­di. Bú­gingi kúnge deıin Jarma aýda­nyn­da – 4, Borodýlıha aýda­ny­na – 2, Aıa­góz aýdanyna – 1, Úrjar aýdany­na – 1, Besqaraǵaı aýdany­na – 1, Aqsýat aýdanyna – 1, Kókpekti aýdanyna – 1, Kýrchatov qalasyna – 1, Semeı qalasynyń Prırechnyı aýyldyq okrýgine – 1, Granıtnyı aýylyna 1 ret bardy.

Sondaı-aq oblystyq máslıhat tóraǵasynyń jeke qabyldaýynda 629 adam bolyp, jeke jáne zańdy tul­ǵalardan 254 ótinish túsip, quzyr­ly mekemelerge 348 suraý hat jibe­ril­gen. Onyń ishinde kóbinese tur­ǵyn úı máseleleri, Semeı qalasyn­daǵy tazalyq máseleleri, qoǵam­dyq kólik pen jolǵa qatysty jáne sport­tyq alańdar men balalar oıyn alań­daryn salý sekildi halyq kóke­ıindegi jaılardy sheshýge basa mán beriledi. Qazirgi kúnde suraý­hat­tarǵa oraı tıisti jaýaptar túsip, kóbi oń sheshimin taýyp keledi.

Jańadan qurylǵan Abaı oblysynda oblys ákimdiginiń jáne oblys máslıhatynyń qoldaýymen memlekettik jastar saıasatyn tıimdi júzege asyrý, oblystyń áleýmettik-ekonomıkalyq saıasatyn qalyptastyrýda jastardyń pikiri men sóz erkindigin eskerý maqsatynda Abaı oblysynyń Jastar máslıhatyn qurý qolǵa alyndy. Basty maqsat – jastar máslıhatyn qurý arqyly jas­tar arasyndaǵy ózekti másele­ler men olardyń usynystaryn talqylap, onyń sheshý tetikterin tabý, depýtattyq saýal arqyly jastardyń máselelerin tıisti mekemelerge jetkizý. Saılanǵan jastardyń arasynan shyqqan úzdikterdi bolashaq kadr retinde tárbıeleý. Abaı oblysynyń Jastar máslıhatynda «Jastar saıasaty», «Parasat», «Shabyt» turaqty komıssııalary jumys isteıdi.

Abaı oblysy