KTK telearnasynyń málimetinshe, oqıǵa juma kúni tańǵy saǵat alty shamasynda, qaladaǵy "Laýra" qonaqúıiniń mańynda bolǵan.
Áleýmettik jelide taraǵan vıdeoda er adamnyń qatty soqqy alyp, qulaǵany baıqalady. Soqqy alǵan er adam jedel járdem kelgenshe oqıǵa orynda jan tapsyrǵan.
Qaza tapqan er adamnyń qaladaǵy tótenshe jaǵdaılar departamentine qarasty órt sóndirý jáne qutqarý qyzmetiniń bólim basshysy ekeni anyqtaldy. Al soqqy jasaǵan er adam bolsa, №1 mamandandyrylǵan órt sóndirý bóliminiń basshysy bolyp shyqty.
Kúdikti ustalyp, qylmysyn tolyq moıyndady. Oqıǵa boıynsha polısııa qyzmetkerleri de, tótenshe jaǵdaılar departamenti de aqparat berýden bas tartqan.
Aıta keteıik, qaza tapqan podpolkovnıktiń artynda alty balasy qaldy.
