Eńbek jáne halyqty áleýmettik qorǵaý mınıstrliginiń málimdeýinshe, memlekettik bazalyq zeınetaqy mólsheri de 7%-ǵa artady.
Zeınetaqyny kóterý ınflıasııa deńgeıine baılanysty, úkimettiń boljamy boıynsha ınflıasııa 6-8% aralyǵynda bolady.Eń tómengi zeınetaqy mólsheri 57 853 teńge, al eń tómengi bazalyq zeınetaqy tólemi 28 215 teńge bolady dep kútiledi. Jas boıynsha beriletin zeınetaqynyń eń joǵary mólsheri 152 295 teńge bolady.
“Eń tómengi bazalyq zeınetaqy 2024 jyly 60-tan 65 paıyzǵa deıin ósedi. Bazalyq zeınetaqynyń eń joǵary mólsheri 100-den 105 paıyzǵa deıin artady. Bul ómir súrý qunyna baılanysty”, – deıdi eńbek jáne halyqty áleýmettik qorǵaý mınıstrliginiń áleýmettik qamsyzdandyrý jáne saqtandyrý departamentiniń sarapshysy Aıjan Mýsına.
Inflıasııanyń naqty deńgeıin eskere otyryp, zeınetaqy tólemderi keminde 20 paıyzǵa artýy tıis, deıdi sarapshylar. Sebebi sońǵy jyldary azyq-túlik sebeti eki ese qymbattaǵan.
“Eń durysy, zeınetkerlerdi áleýmettik qamtamasyz etý máselesin sheshý kerek. Bizdiń zeınetkerler – halyqtyń eń osal jáne kedeı bóliginiń biri. Bul barlyq jerde derlik sondaı ekenin aıtý kerek”, – deıdi qarjy sarapshysy Arman Básembaev.
