Beınejazbany Qazaqstan fýtbol federasııasy áleýmettik jelidegi paraqshasyna jarııalady.
"Ájemiz daıyn. Jigitter daıyn. Sizder daıynsyzdar ma?
Áje, jigitter alańda baryn salady, ýáde beremiz!" - delingen vıdeonyń túsiniktemesinde.
Onda áldebir er adamnyń ájeıden "Shelpekti nege pisirip jatyrsyz?" dep suraǵanyn kórýge bolady.
"Fýtbol. Qazaqtar oınaıdy. Búgin oınaıdy. Saǵat 1-de bastaıdy", - dep jaýap beredi kúlimsiregen áje.
Jeli qoldanýshylary kóptegen jyly pikirlerin jazǵan.
"Evroǵa shyqsaq, apamyzdy aparý kerek qoı Germanııaǵa!", "Janym, Ájetaı! Nıetińiz qabyl bolyp, ómir jasyńyz uzaq bolsyn!", "Ne degen motvasııa! Alǵa basyńdar, jigitter", "Aq jaýlyqty anamyzdyń duǵasy qabyl bolsyn", "Qarttarymyzdyń tilegi qabyl bolyp, buıyrsa 1:0 esebimen jeńsek bolar edi" degen kópshilik.
Aıta keteıik, 21 qarashada túnde fýtboldan Slovenııa men Qazaqstan ulttyq quramalary "N" tobyndaǵy ekinshi joldama úshin mańyzdy match ótkizedi. Lıýblıanadaǵy oıyn Astana ýaqytymen túngi 01:45-te bastalady.
Matchty tikeleı efırde Qazaqstan jáne QazSport arnalary kórsetedi.
