Báseke bastalǵan bette qos komanda esh ańdyspastan alma-kezek shabýyl uıymdastyryp, bir-biriniń qaqpasyna bir-bir goldan soqty. 2-mınýtta Goncharov aıdyn ıelerin alǵa shyǵarsa, 4-mınýtta Arkadıı Shestakov tarazy basyn teńestirdi. Úzilisten keıin «Torpedonyń» oıynshylary qarqynyn kúsheıtip, bizdiń aımaqtan shyqpady. Nátıjesinde, Andreı Shýtov qorǵaǵan qaqpaǵa olar úsh shaıba toǵytty. Bul goldardyń avtorlary – Vasılıı Atanasov (30-mınýt), Maksım Letýnov (38-mınýt) jáne Vladıslav Fırstov (40-mınýt). Úshinshi kezeń bel ortadan aýǵan tusta Rýdolf Chervenı esep aıyrmashylyǵyn qysqartty. Qorytyndy esep – 4:2.
Qatarynan úshinshi kezdesýinde jeńilis tapqan «Barys» KHL-daǵy 23 komandanyń arasynan tek Vladıvostoktyń «Admıralynan» ǵana ozyp tur.
