Qaraǵandy qarashyǵyndaǵy qarasha

Sonymen «Qarashada ómir tur…» atty ádebı-sazdy kesh poezııa beketinen shyqqan poıyz­dyń Qaraǵandyǵa kelip toqtaýynan bastalady. Osy bir mezette S.Seı­fýllın atyndaǵy oblystyq aka­­demııalyq qazaq drama teatry­nyń ártisteri sahna alańyna shy­ǵyp, kesh támamdalǵansha teatr­landyrylǵan qoıy­lymdy sát­ti órbitip shyǵady. Aıtpaqshy, aqyn­dardyń da akterlik sheber­likterine jurt qaıran qalysty.

Ártis jigitter ádebı qoıy­lymdy jýr­nalıstıkanyń jampozy Nurmahan Oraz­bekovtiń Qa­ra­ǵandyǵa kelip, Qar­qaralydan alapat aqyn Serik Aqsuń­qarulyn aldyrǵanynan bastaıdy. Sol sátte kórermenniń arasynan Serik Aq­suń­­qaruly men Qoılybaı Asan sah­na­ǵa kóterilip, óleńderin tebirenip turyp oqıdy. Sodan soń Dáýlet Yrys­baı­uly­nyń «Qara­ǵandy valsi» ánin Medet Osataev oryndaıdy.

Sahnadaǵy ártister ármen qa­raı áde­bı keshti bylaı órbitedi. Ertede «Qazaq ádebıeti» gazetine Aqsuńqaruly Alma­tyǵa abadan­daryn ertip kelgeni jóninde jazyl­ǵanyn aıtyp, sol kezdegi adýyn­dy býyndy ortaǵa aldyrady. Serik Saǵyntaı, Rýs­lan Nurbaı, Qaırat Asqar ja­lyn­dap turyp jyrlaryn oqıdy. Aldyńǵy býyn aǵalaryn iz­dep, Poe­zııa meıramhanasyna bet alady.

Odan keıingi býynnyń óleńi de, óneri de kórermenniń ystyq yqylasyna bó­lenedi. Aqyndar Sultan Dáýlethanuly, Ilııas Mu­qaı, Jálel Qýandyquly, El­­mıra Saılaýqyzynyń syrshyl óleń­­derine kezek beriledi. Sáttibaı Júni­sov­tiń gıtaramen shyrqaǵan, Erqa­nat Keńesbekulynyń dombyramen oryn­daǵan áni áserli shyǵady.

Al ánshi Saıan Bódes ortaǵa sýy­­ry­lyp shyǵyp, aqyndardyń qurmetine Erlan Tóleýtaıdyń «Sen jáne men» ánin áýeletedi.

Budan keıingi jas tolqyn da ortaǵa jarqyraı shyqty. Erik Narynuly óziniń óleńinen soń, gıtaranyń súıemeldeýimen lırıkalyq ánin sheber oryndady. Ádilet Shopenniń poezııasyna da yqylas erekshe boldy. Saltanat Qaıyrbektiń ásem áýenine de elittik.

Ádebı-sazdy keshtiń qory­tyndysy el júregin, tipti eljiretip jiberedi. Kórermen­niń kóz janaryna jas úıir­tedi. Shahterlerdiń jer astyndaǵy eren eńbegin qoıylym arqyly kórsete otyryp, Saltanat Qaıyrbektiń «Kenshiniń shamy», Janat Jań­qashulynyń «Qurban­dardyń qany» óleńi kúńirene oqylady. Bar­lyq aqyn sahnaǵa shyǵyp, bir-bir qyp-qyzyl gúl shoǵyn qoıyp, kenshiler rýhyna taǵzym etedi. Kórermen tik turyp, qoshemet kórsetedi. Sebebi bul kesh buǵan ábden laıyqty-aq.

«Qarashada ómir tur…» at­ty dástúr­li poezııa keshimiz osy jyly mıýzıklǵa aınalyp, bir saǵat kórermenniń kóńilin teńizdiń tolqynyndaı terbedi. Bul ózi bir jaǵy Serik Aqsuńqaruly basta­ǵan Qaraǵandy ádebı ortasy­nyń ǵumyry­na bir saǵattyq sholý desek te bolady. Kesh sońynda shahterlerge arnalǵan óleńder oqylyp, kórermenniń kózine jas úıirildi. «Qarashada ómir tur». Iаǵnı bul jerde Qaraǵandy­nyń ómiri qam­tyl­dy. Qýanyshy da, qaıǵysy da. Bir top dúldúl aqyndardyń bulbul ánshi eke­n­i­ne kóz jetti. Rejısserlik ju­mys­ta Sul­tan Seriktiń sheberligine tán­timiz. Shyl­byrymyzdy tartpaı, shyǵar­ma­shy­lyq erkindik bergen qala ákimdigine erek­she alǵys aıtamyz», – deıdi Qazaqstan Jazý­shylar odaǵy Qaraǵandy oblystyq fı­lıalynyń tóraǵasy, aqyn Janat Jań­qashuly.

Utymdy uıymdastyrýshy­lar­dyń qataryndaǵy belgili prodıýser Ashat Qajytaıdyń da qa­jyr­ly eńbegin atap ótkenimiz jón.

Túıindeı ketsek, Qaraǵandy qara­shy­ǵyn­daǵy qarasha osylaı ótip jatyr. Munda óleń de, ómir de bar…

Qaraǵandy oblysy