NEET jastar úlesi azaıdy

Bul jóninde óńirlik kom­mý­nıkasııalar qyzmeti ala­ńyn­da ótken baspasóz máslı­ha­­tynda oblystyq qoǵamdyq damý basqarmasy jastarmen jáne azamattyq qoǵam ınstıtýttarymen jumys bóliminiń bas­shysy Erkebulan Baltabekov málimdedi.

– 2021-2025 jyldarǵa ar­nal­ǵan kásipkerlikti damytý jó­nindegi ulttyq joba jas­tardy jumyspen qamtýdyń ne­gizgi quraly bolyp sanalady. Jyl basynan beri jobaǵa 9 034 adam qatysty. Onyń ishin­de 6 050 adam jumysqa, al 5 808 adam turaqty jumys oryndaryna ornalastyryldy. Qysqamerzimdi oqytýǵa 328 jas jiberildi. So­ny­men qa­tar 182 adam oqýdy aıaqtady, onyń ishinde 55-si bıznes-ıdeıa­lardy iske asyrýǵa 400 AEK mól­sherinde memlekettik grant aldy, – dep atap ótti Erkebulan Baltabekov.

Sonymen qatar bıyl Kásip­ker­likti qoldaý jobasy aıasynda jastar úshin 218 shaǵyn nesıe berý josparlanǵan, búginde 231 adam shaǵyn nesıe aldy. Oblys boıynsha barlyǵy 104 bos oryn jármeńkesi ótkizilip, oǵan 479 jumys berý­shi jáne 2 569 jumys izdep júrgen jan, onyń ishinde 500 jas qatysty.

– Bıyl «Jasyl el» jobasy boıynsha myńǵa jýyq jasty jumyspen qamtýǵa kvota be­ki­til­di. Al «Dıplommen – aýyl­ǵa!» baǵdarlamasy aıasynda 43 maman 221,8 mln teńgege bıýdjettik nesıe aldy, 215 maman 74,2 mln teńgege kóterme járdemaqy al­dy, – dep atap ótti spıker.