Qazaqstan quramasy atalǵan jarysty tórt júldemen qorytyndylady. Tarqatyp aıtsaq, +90 kg salmaqta kúsh synasqan Nursultan Tursynqulov aqtyq synǵa deıin alqynbaı jetkenimen, sheshýshi tusta qytaılyq Lı Ksıangke ese jiberip, kúmis medaldy ıelendi. Jartylaı fınalda qarsylastaryna jol bergen Aqnıet Marat (75 kg), Beksultan Kóskenov (65 kg) jáne Islam Kárimov (56 kg) qola júldeni enshiledi. Osynyń aldyndaǵy dúnıejúzilik dodamen salystyrǵanda bul – áldeqaıda jaqsy nátıje. 2019 jyly Shanhaıda ótken jarysta jerlesterimiz bir ǵana qolany qanaǵat tutqan edi.
Jalpyesepte Qytaı qarsylas shaq keltirmedi. Qytaı eliniń ókilderi 15 júlde jeńip aldy. Onyń barlyǵy da – altyn. Ekinshi jáne úshinshi oryndardy Vetnam (5 altyn+3 kúmis+3 qola) men Makao (5+2+4) ózara bólisti.
