Foto: old.kzvesti.kz
Senatordyń kótergen máselesine Energetıka mınıstriniń mindetin atqarýshy Hasenov Ashat jaýap berdi.
«Biz mınıstrlik tarapynan eki nusqany qarastyryp jatyrmyz. Birinshi nusqa boıynsha «Saryarqa» magıstraldi gaz qubyryn ári qaraı jalǵap, Astana qalasynan Kókshetaýǵa jáne Petropavl qalasyna deıin tartý. Buǵan qosymsha Qostanaıdan Shyǵys Qazaqstanǵa deıin jańadan gaz qubyry jelisin salý kózdelip otyr. Biraq ol óte kúrdeli, aýqymdy joba, 2200 shaqyrymnan asady. Bul birinshi nusqa. Ekinshi nusqa boıynsha Reseı Federasııasynan soltústikke jáne Shyǵys Qazaqstan oblysyna gaz qubyrlaryn tartý. Eki nusqa da egjeı-tegjeıldi pysyqtalyp jatyr. Tehnıkalyq ekonomıkalyq turǵydan salystyrylatyn bolady. Nátıjesinde eń tıimdi sheshim qabyldaımyz. Buǵan bólinetin qarajat jetkilikti me degen saýalǵa qatysty aıtarym, 2018 jyldan beri gazdandyrýǵa bólinetin qarajat 5 ese ulǵaıdy, 18 mıllıardtan 90 mıllıardqa jetti. Bul gazdandyrý máselesin qarqyndy júrgizýge múmkindik beredi. Ortalyq óńirge qatysty «Saryrarqa» magıstraldy gaz qubyry bar, gazdandyrý jumystaryn júrgizý qolǵa alynady», dedi Energetıka mınıstriniń mindetin atqarýshy A.Hasenov.
