Jerlesterimiz elıtalyq kezeńdegi alǵashqy tórt kezdesýiniń barlyǵynda jeńiske jetti. Atap aıtsaq, syrtta Nıderland (2:0) pen Ázerbaıjandy (4:2), óz alańymyzda Rýmynııa (4:3) men Ázerbaıjandy (3:2) uttyq. Alda endi eki match qaldy. 14 jeltoqsanda Astanada Qyzǵaldaqtar eli ókilderin qabyldaımyz. Arada týra bir apta ótkennen soń Býharestke sapar shegip, Valentın Steneský atyndaǵy «Rapıd» sport kesheninde rýmyndarǵa qarsy oınaımyz.
Esterińizge sala keteıik, osynyń aldyndaǵy álem chempıonaty 2021 jyly Lıtvada ótti. Baltyq jaǵalaýynda bas júldeni Portýgalııa quramasy oljalady. Pıreneı túbeginiń túlekteri fınalda Argentınadan 2:1 esebimen aılasyn asyrdy. Qola medaldi Brazılııa ıelendi. Úshinshi oryn úshin tartysta olar Qazaqstandy 4:2 esebimen qapy qaldyrdy.
