Foto: Vedomstvo. Telegram
Forým barysynda spıkerler ShYU keńistiginiń jáne ShUAA týrıstik áleýetin, turaqty týrızmdi ilgeriletý jáne týrızmdi kedeılikti qysqartý faktory retinde damytý máselelerin talqylady.
«Forým ShYU keńistiginde týrızmdi damytý boıynsha jańa sheshimderdi izdeýge jáne jańa jobalar ázirleýge tıimdi alań bolatynyna senimdimin. Qazaqstan árdaıym ShYU aıasyndaǵy jan-jaqty ózara is-qımyldy damytýǵa erekshe mán beredi. Bıyl elimiz ShYU-ǵa tóraǵalyq etedi. Almaty – ShYU-nyń týrıstik jáne mádenı astanasy bolyp jarııalandy. Bizdiń bastamamyzdy qoldaǵandaryńyz úshin bárińizge alǵys bildiremin», dedi mınıstrdiń orynbasary Erjan Erkinbaev.
Sondaı-aq Erjan Erkinbaev forým qatysýshylaryn 2024 jylǵy 8-14 qyrkúıek kúnderi Astanada ótetin V Dúnıejúzilik kóshpendiler oıyndaryna shaqyrdy.
Atap aıtqanda, osyndaı is-sharalar týrıstik áleýetti ilgeriletýge yqpal etetinini málim. Forým aıasynda Qazaqstan mádenıetiniń erekshelikteri usynylǵan kórme jáne tájirıbe almasý úshin B2B/ B2G alańdary uıymdastyryldy. Qazaqstan – Qytaı arasyndaǵy týrızm salasyn damytýdyń orasan zor áleýetin eskere otyryp, Qazaqstannyń Qytaıdaǵy týrızm jylyn ótkizý – 2024 jylǵy mańyzdy oqıǵalardyń biri bolmaq.
Buǵan qosa, forým aıasynda Erjan Erkinbaev О́zbekstannyń Týrızm komıtetiniń tóraǵasy Ýmıd Shadıevpen, Belarýstiń Sport jáne týrızm mınıstri Sergeı Kovalchýkpen ekijaqty kezdesýler ótkizdi, sondaı-aq QKP Ortalyq komıteti saıası bıýrosynyń múshesi, QHR Shyńjań-Uıǵyr avtonomııalyq aýdany partııalyq komıtetiniń hatshysy Ma Sınjýımen ujymdyq kezdesýge qatysty.
Ekijaqty kezdesýler barysynda týrızm jáne sport salasyndaǵy yntymaqtastyqtyń neǵurlym ózekti máseleleri, atap aıtqanda ekotýrızm, agro jáne taý shańǵysy týrızmi salasyndaǵy birlesken jobalardy iske asyrý talqylandy.
