Qazaqstannyń bylǵary qolǵap sheberleriniń keıbireýleri ózderiniń tusaýkeser kezdesýlerin ótkizip te úlgerdi. Aralarynda utqandary da, utylǵandary da bar. Atap aıtsaq, Ramazan Orynbasar (52 kg) rýandalyq Valentın Ntabanganımandy jáne Kenesary Ámir Marjyqbaev (63 kg) gvatemalalyq Krıstıan Ramıresti jeńdi. Al Baýyrjan Muratov (57 kg) pen Bekarys Nurmuhan (66 kg) ózbekstandyq Pahlavonjon Ibrohımov pen Aqbar Ahmadovqa ese jiberse, Jasulan Berdaly (70 kg) polshalyq Pavel Ýrbanskııdiń osal tusyn taba almady. Sol sekildi Baqytjan Aıtmuhanov ta (80 kg) jarys jolynan shyǵyp qaldy. Bir aıta keterligi, báseke barysynda qazaq boksshy Gýan Haýo Pandi eki ret nokdaýnǵa jiberdi. Biraq ádildikti belden basqan tóreshiler taıpeıliktiń qolyn kóterdi.
