gov.kz
Jıynǵa baılanys operatorlary, jergilikti atqarýshy organdardyń ókilderi, aýdandyq máslıhat depýtattary jáne jergilikti belsendiler qatysyp, uıaly baılanys operatorlaryna antennalyq dińgek qurylymdaryn salý úshin jer telimderin bólý jáne aýyldaǵy árbir úıge talshyqty-optıkalyq baılanys jelisin tartý máselelerin talqylady. Resmı málimet boıynsha, aýylda 2000-nan astam jeke sharýashylyq bar, bul Jibek joly aýylyndaǵy baılanys pen ınternettiń sapasyn aıtarlyqtaı jaqsartady. Baılanys operatorlaryna baılanys sapasy men ınternet jyldamdyǵyn arttyrý úshin qosymsha bazalyq stansııalar men jabdyqtar ornatý júkteldi. Mınıstr Aqmola oblysynyń sıfrlandyrý jáne arhıvter basqarmasyna Arshaly aýdany ákimdigimen birlesip, 2023 jyldyń sońyna deıin 6 jer telimin berý máselesin pysyqtaýdy tapsyrdy.
«Men jıynǵa kelgen barlyq qatysýshyny, ásirese, jergilikti turǵyndardyń talap-tilegin estigim keldi, óıtkeni baılanys sapasynyń nasharlaýyn nemese jaqsarýyn sezinetin de solar. Ádette, ákimdikter men baılanys operatorlarynyń esepterinde jıi kezdesetin problemalar artyq bıýrokratııaǵa kelip tireletini belgili. Bul joly da solaı ekenine kóz jetkizdim. Barlyq másele antenna-dińgek qurylystaryn salý úshin uıaly baılanys operatorlaryna jer ýchaskelerin bólýge jáne aýyldyń árbir úıine talshyqty-optıkalyq baılanys jelisin júrgizýmen baılanysty boldy. Men baılanys operatorlaryna baılanys sapasy men Internet jyldamdyǵyn jaqsartý úshin qosymsha bazalyq stansııalar men jabdyqtar ornatýdy tapsyrdym», dedi B.Mýsın.
Sala basshysy shaǵyn baılanys operatorlarynyń jumysynyń mańyzdylyǵyna toqtaldy. Búgingi tańda Astana qalasy ákimdigimen turǵyn aýdandardy damytý maqsatynda shaǵyn operatorlardy tartý jumystary júrgizilip jatqanyn aıtty. 2023 jyldyń sońyna deıin joǵary jyldamdyqty ınternet 14 turǵyn aýdanda jáne 2024 jyly 3 turǵyn aýdanda (О́ndiris, Kazgorodok, Kırpıchnyı) bolady, barlyq jumystar tolyq ınvestorlardy qarjylandyrý arqyly júzege asyrylady («Your New Telecom» JShS, Kazakh Home Networks JShS, «Synergy Telecom» JShS) ınvestısııa kólemi 2,68 mlrd. Jalpy 5500 abonent qosyldy, 440 shaqyrymnan astam optıkalyq kabel tartyldy, barlyq jumystardy 2024 jyldyń sońyna deıin aıaqtaý josparlanýda.
Jibek joly aýylyndaǵy kezdesýde «Synergy Telecom» JShS kompanııasynyń mamandary osy aýylda talshyqty-optıkalyq baılanys jelisin tóseý jumystaryn uıymdastyrýǵa daıyn ekenin jetkizdi. Buǵan deıin mınıstr Baǵdat Mýsın men Aqmola oblysynyń ákimi Marat Ahmetjanov 2024-2027 jyldarǵa arnalǵan Aqmola oblysynyń eldi mekenderin ınternetke jáne baılanysqa sapaly qoljetimdilikti qamtamasyz etý jónindegi Jol kartasyna qol qoıǵan bolatyn. Osy qujatty júzege asyrý aıasynda Aqmola oblysynyń 230 eldi mekenine talshyqty-optıkalyq baılanys jelisi tartylyp, eldi mekenderde 100-den astam antennalyq dińgek qurylymdary ornatylady.
