Argentına – ońaı qarsylas emes. Olar 1981, 2006, 2008 jáne 2011 jyldary Devıs kýboginiń aqtyq synyna deıin alqynbaı jetip, sheshýshi tusta ǵana utyldy. 2016 jyly syrtta oınaǵandaryna qaramastan Polsha, Italııa, Ulybrıtanııa jáne Horvatııa quramalaryn jolynan yǵystyryp, bas júldeni oljalady. Qazirgi kezde argentınalyq komandanyń sapynda Fransısko Cherýndolo (álemniń №21 raketkasy), Sebastıan Baes (№28) jáne Tomas Martın Etcheverrı (№30) syndy myqty oıynshylar bar. Sol sekildi Pedro Kachın (№70), Federıko Korııa (№80), Fakýndo Dıas (№93) túrli týrnırlerde táp-táýir óner kórsetip júr. Kezinde TOP-10 tennısshiniń qatarynda bolǵan 31 jastaǵy Dıego Shvarsman da óziniń «sońǵy sózin» áli aıtqan joq.
Qazirgi kezde Qazaqstan quramasy álemdik reıtıngte 13-oryndy ıelenip tur. Al Argentına otandastarymyzdan alty saty tómen.
