Foto: primeminister.kz
«Jeliniń ótkizý qabiletin arttyrý jáne Qazaqstannyń Batys aımaǵyndaǵy tutynýshylardy turaqty energııa qýatymen qamtamasyz etý maqsatynda «KEGOC» AQ «Batys Qazaqstan energetıkalyq toraby – Atyraý – Mańǵystaý» baǵyty boıynsha jalpy uzyndyǵy 780 shaqyrymǵa jýyq 220 kV bes elektr berý jelisin saldy. Jumys barysynda 4,2 myńnan astam elektr baǵanalary ornatylyp, «Ýralskaıa», «Pravoberejnaıa», «Inder», «Qulsary», «Teńiz» qosalqy stansııalaryn keńeıtý qamtamasyz etildi, sondaı-aq «Qarabatan» jańa taratýshy qosalqy stansııasy iske qosyldy.
Jobany iske asyrý nátıjesinde elektr jelisiniń qýattylyǵy aıtarlyqtaı ulǵaıtyldy: «Batys Qazaqstan energetıkalyq toraby – Atyraý» ýchaskesinde 100 MVt-tan 200 MVt-qa deıin; «Atyraý – Mańǵystaý» ýchaskesinde 50 MVt-tan 200 MVt-qa deıin. Nátıjesinde Batys aımaq jelisiniń senimdiligi eki esege artyp, apat yqtımaldyǵy tómendedi», delingen habarlamada. Úkimet basshysy aýqymdy jobany iske qosý arqyly batys aımaqtyń energııa kózine degen zárýligin azaıtyp, ekonomıkalyq damýdy nyǵaıtýǵa bolatynyn aıtty.
«Munyń barlyǵy elektr jelileriniń ótkizý qabiletin eki esege ulǵaıtýǵa, sondaı-aq elimizdiń batys óńirindegi tutynýshylar úshin energobloktarda, onyń ishinde MAEK stansııasynda avarııalyq jaǵdaılardyń sanyn edáýir azaıtýǵa múmkindik beredi», dedi Á.Smaıylov.
Batys aımaqtyń elektr jelisin nyǵaıtý, sonymen qatar onyń ári qaraı Qazaqstannyń Biryńǵaı elektr energetıkasy júıesimen ıntegrasııalanýyna negiz bolmaq.
«KEGOC» AQ basqarma tóraǵasy Nábı Aıtjanov qurylys jumystary kezinde qoldanylǵan zamanaýı elektr jelisi jabdyqtary joǵary ónimdiligimen erekshelenetinin jetkizdi. Elektr jelisin salý kezinde otandyq metall jáne temirbeton tirekteri, symdar, oqshaýlaǵyshtar men transformatorlar qoldanyldy.
