Tarıhı sheshim Dúnıejúzilik sabaqty zertteý qaýymdastyǵynyń dástúrli forýmy ótken Nıderlandynyń Zvolle qalasynda qabyldandy. Alǵash ret WALS-tyń negizgi konferensııasy postkeńestik keńistikte ótedi. Astanada alǵash ret World Association of Lesson Studies shtab-páteri úsh kún boıy jumys isteıdi. Kelesi jylǵy qyrkúıekte Qazaqstanǵa zamanaýı bilim berýdiń strategııalyq basymdyqtarynyń biri – sabaqty zertteýge mamandanǵan eń tabysty muǵalimder keledi dep josparlanyp otyr. Qazirdiń ózinde WALS-2024 qatysýshylarynyń qatarynda Ulybrıtanııa, Sıngapýr, Japonııa, Fınlıandııa, Malaızııa, Avstrııa, Qytaı, Amerıka Qurama Shtattary, Gonkong, Túrkııa – barlyǵy 50-den astam el bar.
Kelisimshartqa qol qoıý kezinde Ketrın Lıýıs Pedagogıkalyq sheberlik ortalyǵynyń Lesson Study-di eldik joba retinde ilgeriletýdegi jetistikterin erekshe atap ótti.
– Qazaqstandaǵy «Sabaqty zertteý» shyn máninde joǵary deńgeıde ótti. Biz Pedagogıkalyq sheberlik ortalyǵyndaǵy áriptesterimizdiń on jyl ishinde eldegi jáne álemdegi naǵyz WALS elshilerine aınalǵanyn maqtan tutamyz. Búginde olar óz otanynda myńdaǵan muǵalimdi, sonymen qatar Ázerbaıjan, Qyrǵyzstan, Reseı Federasııasy, О́zbekstannyń birneshe aımaǵynyń pedagogterin sabaqty zertteý boıynsha oqytyp jatyr. Olar qazaq, aǵylshyn jáne orys tilderinde jumys isteıdi, − dedi ol.
Kembrıdj ýnıversıteti bilim berý fakýltetiniń professory Pıter Dadlı «Lesson Study» Qazaqstan modeliniń kaskadty sıpaty men aýqymdylyǵyn erekshe atap ótti.
Nıderlandydaǵy konferensııada eń kóp abstraktilerdi Qazaqstan jáne japon delegasııalary usyndy. Bul rette kúnshyǵys elinde «Lesson Study» tutas fılosofııa sanalatynyn atap ótken jón.
Zvollege PShO delegasııasy aýqymdy baǵdarlama daıyndady. Atap aıtsaq, taqyryptyq sımpozıýmdar, avtorlyq sheberlik synyptary, oqý sessııalary, elaralyq zertteýler boıynsha baıandamalar, Single talk, Atqarý komıteti jáne Qaýymdastyqtyń saraptamalyq keńesimen kelissózder, Gollandııa mektepterindegi kezdesýler jáne basqa da keıster.
Otandyq bilim berýge Lesson Study engizýdiń ozyq tájirıbelerin Elvıra Rahmaıl, Qyzjibek Abdramanova, Iýlııa Melnıkova, Janııa Opanova, Rınat Ramazanov jáne Aıbek Kenjebaev, Uljan Temirǵalıeva, Erbolat Ospanov usyndy.
Sımpozıýmnyń dıskýsanttary bolǵan Anglııadan Djıllı Lang pen sıngapýrlyq Krıstın Lı elaralyq zertteýlerdiń mańyzdylyǵyn atap ótti.
– Bundaı zertteý jobalary elder arasyndaǵy shekarany keńeıtedi jáne búkil álem muǵalimderiniń kásibı múddesi sáıkes keletinin dáleldeıdi, − dedi olar.
Avstrııalyq áriptestermen birlesip jumys istegen Elvıra Rahmaıl toptyq shyǵarmashylyq jumys zertteýshilik daǵdylardy damytýǵa jańa serpin bergenin aıtady. Lesson Study árbir muǵalim úshin tabysty qural retindegi mańyzdylyǵyn taǵy bir ret rastady.
Dúnıejúzilik Lesson Studies qaýymdastyǵy – otandyq bilim berýde tabysty brendke aınalǵan Pedagogıkalyq sheberlik ortalyǵynyń álemdik jetistikteriniń zańdy jalǵasy. PShO qurǵan pedagogterdiń biliktiligin arttyrýdyń keń aýqymdy júıesi Germanııadaǵy ACQUIN Akkredıtasııalaý, sertıfıkattaý jáne sapany qamtamasyz etý ınstıtýtynyń shartsyz sertıfıkatyn aldy. Qazirgi ýaqytta ınstıtýsıonaldyq akkredıtteý aıaqtalyp qaldy. Ortalyq álemniń 200-den astam bilim berý uıymy úmitker bolǵan bedeldi UNESCO-Hamdan-2020 syılyǵymen marapattaldy. Jetekshi mektepterge arnalǵan tanymal PShO jobasy GESS Education Awards-2023 baıqaýynyń úzdik ondyǵyna endi.
Pedagogıkalyq sheberlik ortalyǵy 2012 jyldan beri otandyq bilim berý salasyna «Sabaqty zertteý» álemdik trendin engizip keledi. 2023 jyldyń sáýirinde Astanada «Lesson Study: refleksıvti tájirıbeden turaqty kóshbasshylyqqa» birinshi Ulttyq konferensııasy ótti.
Mıra ALIPINOVA
