Oqýshy jetekshilerimen birge dombyra úıirmesine ulttyq aspapty qoldan jasap kórmekshi bolǵan. Vlender baǵdarlamasynda jasalǵan aspap 4 plastık bólikten turady. Quraldy 3D prınterden basyp shyǵarǵan, dombyranyń shanaǵyn eki bólikke bólip, moınyn jáne qulaǵyn basyp shyǵarýǵa 15 saǵat ýaqyt ketken. Barlyq bólikti ystyq jelimmen jabystyryp qurastyrǵan. Kádimgi dombyranyń ishegin ornalastyryp, úıirmede shertýge bolatyn zamanaýı qural daıyndaǵan.
Osylaısha, avtor mektepte úıirmelerge qatysatyn oqýshylarǵa 3D prınter arqyly dombyra jasap berýge bolatynyn dáleldedi. Bolashaqta dombyrany úlken aýqymda jasap, taǵy elektrondy dombyra jasaý úshin ardýıno baǵdarlamasyn ornatýdy josparlap otyr. Osy baǵdarlama arqyly aspapty jetildirip, oqýshylarǵa dombyrany shertip úırenýge yqpal etýge bolady dep esepteıdi avtorlar.
«Ol úshin sapaly 3D prınter jáne kóp mólsherde plastık qajet, sonda zamanaýı dombyralardyń sanyn kóbeıtip, ulttyq aspapty qoldan óndirýge múmkindik týady. О́ıtkeni úıirmege qatysý úshin dombyrany satyp alý keıbir otbasyna qymbatqa túsedi, al osyndaı modeldeýde basyp shyǵarylǵan dombyra ári qoljetimdi, ári ulttyq mártebemizdi arttyrady», deıdi jetekshileri Maıra Esimjanova men Qymbat Tileýberdıeva.
Mektepte jetigen úıirmesin ashyp, plastıkten 3D prınter arqyly jetigendi de jasaýdy oılaǵan. Ishekterin tartyp, asyqty plastıkten jasap ulttyq aspaptyń jańa úlgisin usynbaqshy.
