Konferensııa barysynda «Áleýmettik jelilerdegi kontent jáne kommýnıkasııa stılderiniń túrleri», «Saılaý komıssııalarynyń áleýmettik qyzmetin medıa josparlaýdyń jańa tásilderi» taqyryptary keńinen talqylanyp, is-sharaǵa qatysýshylar elimizdegi saıası naýqan jóninde oı-usynystaryn ortaǵa saldy.
Semeı aýmaqtyq saılaý komıssııasy tóraǵasynyń orynbasary Gúljan Jaqsybaıqyzynyń aıtýynsha, memleketimizdiń bolashaǵymen tyǵyz baılanysty jarııalylyq talabyna saı mańyzdy qadamdarǵa árdaıym sergek qaraý qajet.
– Sáýir aıynda Astana qalasynda saılaý komıssııalarynyń jumysy boıynsha elektoraldy oqytý túrinde arnaıy kýrs ótken bolatyn. Qazir osy baǵytta únemi konferensııalar ótkizilip, oǵan turaqty qatysyp otyramyz. Búginde, mine, «Taraptar arasyndaǵy ózara túsinistikti tereńdetý» taqyrybynda konferensııa ótkizip otyrmyz. Jıynda áleýmettik jelilerde ártúrli suraq pen keleńsiz kommentarııge qalaı jaýap berý kerektigi jóninde OSK tarapynan keńester berildi. Mundaı basqosýlar halyqtyń demokratııalyq úderisterge beıjaı qaramaıtyndyǵyn aıǵaqtaıdy, qaıta belsene aralasýǵa ázir ekendigin tanytqanyna kúmán joq, – deıdi G.Qýanysheva.
Ortalyq saılaý komıssııasynyń uıymdastyrýymen ótken eki kúndik konferensııa barysynda 2023 jyly atqarylǵan jumystar qorytyndylanady.
