Sýretti túsirgen – Jangeldi Ábdiǵalym
Oblys ákiminiń halyqpen bul kezdesýi jańa formatta ótti. «Arlan» ortalyǵynyń birinshi qabatynda ústelder qoıylyp, ákimmen bir mezgilde basqarmalar, departamentter men kommýnaldyq qyzmetterdiń basshylary turǵyndardyń suraqtaryna jaýap berdi. Qabyldaý «bir tereze» qaǵıdaty boıynsha jáne elektrondy kezek tártibimen ótti. Kezdesýge kelgen halyqqa qolaıly bolý úshin barlyq jaǵdaı jasalǵan. Máselen, osy 6,5 saǵat barysynda jedel járdem qyzmetkerleri de tyrp etken joq. Buǵan qosa balamen kelgenderdiń jaǵdaıy da qarastyrylǵan. Ol úshin arnaıy oıyn alańy jabdyqtalyp, ata-anasy qabyldaýda bolǵanda balalary emin-erkin oınap, ýaqytyn ótkizdi.
Qaraǵandy qalalyq máslıhatynyń depýtaty, oblys ákiminiń múgedektigi bar adamdar máseleleri jónindegi shtattan tys keńesshisi Nııaz Súndetálıev te kezdesýde boldy. Bul joly ol bılikke bazynalaryn aıta kelgen erekshe qajettilikteri bar turǵyndarǵa keńes berýge kelipti. Ol mundaı kezdesýler halyqtyń sheneýniktermen betpe-bet kezdesip, túrli suraqtarǵa jaýap alýǵa múmkindik beretinin aıtady.
– О́ńir basshysy múgedek adamdar men erekshe qajettilikteri bar balalardyń máselesin jeke baqylaýynda ustaıdy. Qaraǵandyda Ten Qogam múgedektigi bar adamdardy áleýmettik beıimdeý ortalyǵy jumys isteıdi. Suraqtardyń bir bóligin ortalyq arqyly sheshe alsaq, onda qyzmetkerler jedel kómek kórsetedi. Al eger basqarmalardyń quzyretinde bolsa, biz olardyń ókilderimen kezdestiremiz. Dese de, respýblıkalyq deńgeıde sheshilýge tıis máseleler de bar. Ondaıda joǵary organdarǵa júginemiz, – deıdi N.Súndetálıev.
Qabyldaý kezinde birqatar basqarma basshylaryna júgingender bolmasa, endi birine ájeptáýir kezek paıda boldy. Sonyń biri – oblystyń polısııa departamenti bastyǵynyń birinshi orynbasary Qurmanǵalı Ysmaǵulovqa kelýshiler. Ár adamdy muqııat tyńdap, máselesin sheshýge tyrysty polısııa polkovnıgi.
– Birqatar suraqty der kezinde sheshý múmkin bolsa, endi birine ýaqyt kerek. Al qandaı da bir is-sharalar atqarý nemese bólinis mamandary kerek bolsa, men qol astymdaǵy qyzmetkerlermen beınebaılanysqa shyǵyp, kezdesetin ýaqytty belgilep, atqarylýǵa tıis is-sharalardy naqtylaımyz, – deıdi Q.Ysmaǵulov.
Qazybek bı jáne Álıhan Bókeıhan atyndaǵy aýdan ákimderine de halyq kóptep keldi. Turǵyndar aýlany abattandyrý, balalardyń oıyn alańdary, úılerdiń shatyry, sý, jaryq máselelerimen kelipti.
Oblys ortalyǵyndaǵy eń úlken aýdandardyń biri Álıhan Bókeıhan atyndaǵy aýdan ákimi Dosbol Kúlekeev te kelýshilerdiń suraqtaryn muqııat tyńdap, árqaısysyna baıyppen jaýap berdi.
– Kelýshilerdiń máselelerin jazyp alyp, qaısybirin dereý rettep jatyrmyz. Máselen, esik aldynda qýraǵan aǵashtar kóp dep kelgender bar. Jazda merdigerlerdiń bolmaýyna baılanysty jumystardy isteı almasaq ta, qazir atqaryp jatyrmyz. Merdigermen osy jerde baılanysqa shyǵyp, kelýshilerdiń suraqtaryna olardyń ózderi jaýap berdi, – deıdi D.Batyrbekuly.
«Bir jylda bárine úlgerý múmkin emes» degen ákim kezdesýge shaǵymmen emes, alǵyspen kelgenderdiń bar ekenin de aıtady.
– Bıyl Prıshahtınsk qalasynda Áýezov kóshesiniń jolyn jóndep, jaryqtandyrý máselesin sheship bergen edik. Sol úshin halyq dán rıza. Kezdesýge arnaıy kelip, rahmetin aıtyp ketip jatyr. Bul – bir ǵana mysal. Prezıdent Qasym-Jomart Toqaev aıtqandaı, halyqtyń jergilikti máselesi tolyǵymen sheshilýge tıis. Máselen, jol, jaıaý júrginshiler joly, kólik qatynasy sııaqty máselelerdi oń sheshýge bolady. Jumysymyzdy ári qaraı jalǵastyra beremiz, – dedi D.Batyrbekuly.
Jyl basynan Ermaǵanbet Bólekpaev óńirdiń qalalary men aýdan turǵyndarymen ótkizgen 25 kezdesýde 8 myńǵa jýyq adamdy qabyldaǵan. Dál osy kezdesýlerde 800-den asa suraq qoıylypty. Biri sol jerde sheshilse, deni uzaqmerzimdi bolǵandyqtan, oblystyq bıýdjetti qarastyrý kezinde eskerilmek.
– Jyl boıǵy halyqpen kezdesýdi Qaraǵandy qalasymen aıaqtap otyrmyz. Buǵan deıin áriptesterimmen birge jergilikti jerlerde halyqpen kezdestik. Kóterilgen máselelerdiń basym bóligi turǵyn-úı kommýnaldyq sharýashylyǵy, úı máselesi, bilim salasy jáne taǵy basqalaryn qamtydy. Suraqtardyń sol jerde sheshilgenderi de bar. Al ýaqyt jáne qarajatty qajet etetinderi oblystyq bıýdjetti qarastyrý kezinde eskeriledi, – dedi E.Qabdýlauly.
Kezdesýde kóterilgen barlyq másele júıelenip, jergilikti atqarýshy organdardyń, sondaı-aq jaýapty salalardyń baqylaýynda bolady. Máselen, Prıshahtınsk qalasy turǵyndarymen kezdesýde kóterilgen máseleler.
– Jyl basynda Prıshahtınsk turǵyndarymen kezdestim. Olar úshin eń mańyzdysy kólik qatynasy eken. Jańa avtopark jumysyn endi bastaǵan qıyn kezeń bolatyn. Qazir jumys jolǵa qoıyldy. Avtopark birden 50-ge jýyq jańa avtobýs satyp aldy. Odan bólek, balalar ortalyǵynyń qurylysyn bastadyq. Dál osyndaı nysandy Maıqudyqta da salamyz. Osy qarqynmen jumys jalǵassa, keler jyly kóktemde qurylysy aıaqtalyp ta qalady. Sondaı-aq balabaqshada oryn tapshylyǵy da sheshimin tabady. Jer telimi anyqtalyp, qurylysty josparlap qoıdyq, – dedi oblys basshysy.
Aımaq basshysy aıtqan taǵy bir ózekti másele – Shahter kentiniń ortalyq jylytý júıesine qosylýy. 30 jyldan asa bir retke kelmegen bul jaıt ta jýyrda sheshimin tabady.
– Oramishindegi jelilerdi rettedik, qosýǵa daıynbyz. Endi turǵyndarmen birge úı arasyndaǵy jelilerdi jóndeý jáne qalpyna keltirý máselesi qaldy. Qazir Qaraǵandy ákimdigi tıisti jumystardy júrgizip jatyr. Shahan kentindegi tárizdi turǵyn-úı kommýnaldyq sharýashylyǵy ortalyǵy arqyly paıyzsyz nesıe berip, 50-den asa úıdi ortalyq jylý jelisine qosýǵa tyrysamyz, – dedi E.Bólekpaev.
6,5 saǵatqa sozylǵan kezdesý osyndaı sıpat aldy. Qysqasy, bılik buqara buıymtaıyn betpe-bet tyńdady, endi máseleler sheshimin tabady.
Qaraǵandy oblysy
