Serbııada 1979 jyly eldiń ǵylymı-tehnologııalyq, shyǵarmashylyq áleýetin qoldaý jáne ilgeriletý, jurtshylyqty álemdik mádenıettiń jetistikterimen tanystyrý ınstıtýty retinde qurylǵan qor osymen 26-ret kórnekti sheteldik tulǵalarǵa syılyq tabys etti.
Aǵaıyndy Karıch qory syılyǵyna álemge áıgili ǵylym, jýrnalıstıka, ekonomıka, mádenıet jáne óner qaıratkerleri ıe bolǵan. Ár jyldary fızıka boıynsha Nobel syılyǵynyń laýreaty J.Alferov, ádebıet boıynsha Nobel syılyǵynyń laýreaty P.Handke, kınorejısser E.Kýstýrısa, tennısshi N.Djokovıch, akter S.Sıgal osy marapatty alǵan.
Bıyl syılyqqa usynylǵan erekshe tulǵalar arasynda daryndy ánshi Dımash Qudaıbergen de atalǵan syılyqqa ıe boldy. Qor dırektorlar keńesiniń pikirinshe, Dımashtyń aıryqsha vokaldyq óneri, onyń klassıkalyq jáne zamanaýı stılde oryndaý qabileti, kez kelgen notany oryndaý múmkindikteri ánshini óz isiniń sheberi retinde tanýǵa múmkindik beredi.«Bizdiń dırektorlar keńesi Dımash Qudaıbergenniń osy joldaǵy talanttardyń altyn serııasynyń jalǵasy bolýǵa laıyq ekendigimen biraýyzdan kelisedi. Bul bizdiń elderimiz arasyndaǵy qarym-qatynasty nyǵaıtady», dep atap ótti Qazaqstannyń Serbııadaǵy qurmetti konsýly, Aǵaıyndy Karıch qorynyń negizin qalaýshy Mılanka Karıch.
Marapattaý rásimi Serb mádenıeti men dástúrin aıqyndaıtyn mádenı mura – Belgradtaǵy Ulttyq teatrda ótti.Ulttyq teatr sahnasynda Dımash qazaqtyń halyq áni «Samaltaý» jáne Igor Krýtoıdyń «Mademoiselle Hyde» ánderin shyrqady.
Dımash qordyń quryltaıshylary men dırektorlar keńesine marapatqa laıyq dep tanyǵany úshin alǵysyn bildirdi, óner salasyndaǵy halyqaralyq jobalardyń elder arasyndaǵy dostyq pen ózara damýdy qoldaý múmkindikteri retindegi mańyzdy rólin atap ótti.
