Aldaǵy 10 jeltoqsanǵa deıin sozylatyn, Jusan vibe keńistiginde ótip jatqan jármeńkede Qazaqstan, Qyrǵyzstan jáne О́zbekstannan kelgen 10 galereıa biriktirilip, óz qabyrǵalaryna 30-ǵa jýyq zamanaýı sýretshilerdiń jumystaryn qoıdy.
Aqıqatyna kelgende óner ıesine óz jumystaryn satý ońaı emes, abzaly onyń saýdasyn – art-galereıalarǵa berý.
Sonymen Almatyda birinshi ret ótken sýretshiler jármeńkesine Pygmalion Gallery (Qazaqstan), Hlmrdv Gallery (О́zbekstan), Occupy Steppe (Qazaqstan), Artmeken Gallery (Qazaqstan), BonArt (Qazaqstan), Museum of Feminist Art (Qyrǵyzstan), Altyn ǵasyr (Qazaqstan), Dump Gallery (Qazaqstan), Zhaukhar Art Gallery (Qazaqstan), Iligeri (Qyrǵyzstan) galereıalary óz sýretshilerin shyǵardy.
Jergilikti art-naryqta kásibı jármeńkeniń paıda bolýy – qazirgi zamanǵy óner naryǵynyń qalyptasýy men damýynyń mańyzdy nyshany ǵana emes, art-týrızm úshin de tartymdy oqıǵa desek bolady. О́ıtkeni Ortalyq Azııa óneri búginde álemdegi jetekshi ınstıtýttardy, galereıalar men kolleksıonerlerdi qyzyqtyryp otyr. Tek 2023 jyly Qazaqstannyń kommersııalyq galereıalary VOLTA Basel (Shveısarııa), Art Dubai (BAÁ), Contemporary Istanbul (Túrkııa), Asia Now (Fransııa), Bazaar Berlin (Germanııa) syndy birneshe iri halyqaralyq jármeńkege qatysty.
«Jármeńkemizdi Ortalyq Azııa dep ataǵan sebebimiz, bul bizdiń ortaq jetekshilik sheshimimiz, óıtkeni óz elderimizdi óner arqyly biriktirgimiz keledi. Biz úshin bul klassıkalyq maǵynada kásibı jármeńke bolýy mańyzdy boldy ári ony iske asyra aldyq. Alǵash ret Qazaqstan men Ortalyq Azııa galereıalaryn jınaýǵa qol jetkizdik. Bishkek pen Tashkenttegi galereıalardy tabý qıynyraq bolǵany ras, degenmen naryq pen art-sahna Qazaqstandaǵydan sál az», deıdi ALA ART FAIR 2023 jetekshisi Olıa Veselova.
ALA ART FAIR aımaqtyq óner sarapshylary men kolleksıonerlerin ǵana emes, halyqaralyq kýratorlardy, galereıalar men jýrnalısterdi de jınady. Jergilikti jármeńkeniń ashylýy únemi jańa ataýlar men jańa óner tájirıbelerin izdeıtin óner dılerlerin qyzyqtyrady.
«Búgingi is-shara biz úshin óte mańyzdy oqıǵa. Qazirgi zamanǵy ónerdiń damýy jáne týrızm – bul bir-birimen tyǵyz baılanysty. Bıyl sýretshilerimizdi ártúrli halyqaralyq kórmelerge shyǵara alǵanymyzdy úlken jetistik dep sanaımyn. Búgin ALA ART FAIR-de biz Sontemporary Istanbul jáne Asia Now jármeńkelerinde kezdesken qonaqtarmen qaýyshsaq, olar da Qazaqstannyń óneri, mádenıetimen tanysady», deıdi «Kazakh Tourism» UK» AQ kreatıvti týrızm departamentiniń dırektory Irına Harıtonova.
Qoryta aıtqanda, 4 jeltoqsanda halyqaralyq jármeńke Ortalyq Azııanyń art-naryǵy týraly kásibı art-konferensııaǵa ulasty. Kásibı mamandar «Ortalyq Azııadaǵy Art-naryq: qazirgi jaǵdaıy jáne damý keleshegi», «О́sý keleshegi: halyqaralyq óner naryǵyna qalaı shyǵýǵa bolady», «Qazirgi zamanǵy óner, týrızmdi damytý faktory»taqyryptarynda pikir almasty.
Al zamanaýı talantty sýretshilerdiń kartınalary 70$ bastap 7000-8000$ deıin baǵalandy. Talaı jumys áleýetti sýret jınaýshylardyń qyzyǵýshylyǵyn týǵyzdy.
