Mýzykalyq qoıylym Qazaqstannyń Ázerbaıjandaǵy mádenıet kúnderi aıasynda eki eldiń Mádenıet mınıstrlikteriniń kómegimen uıymdastyryldy.
«Bul Bakýde birinshi ret uıymdastyrylyp jatqan joq, biraq biz búgin osy jerden tabylǵanymyzǵa óte qýanyshtymyz. Sheteldik qalalardyń ishinde bizge bárinen de Baký unaıdy, óıtkeni mundaǵy adamdar óte meıirimdi jáne qonaqjaı. Ekinshiden, onyń tarıhy óte baı, qala jasyl jáne jańa», dedi ansambl jetekshisi Erjan Jámenkeev quttyqtaýynda.
Onyń aıtýynsha, búgin ansambldiń eń tanymal jáne úzdik shyǵarmalary oryndalady. «Biz qazaqtyń 30-dan astam ulttyq aspabyn kórsetemiz. Olar osynda ónerpaz bes adamǵa tıesili. Biz kórermendi jáne Ázerbaıjan halqyn qýantýǵa tyrysamyz», dedi ol.
E.Jámenkeev ansambl solısteriniń árqaısysy 10 jáne odan da kóp aspapta oınaıtynyn aıtty. Olardyń keıbireýleri qaıta jańǵyryp, óz betinshe qoldanysqa engizildi. «О́z salamyzdyń kásibı mamany bolýdy armandaımyz, onyń kómegimen mýzyka mádenıetin nasıhattaımyz. Qazirgi ýaqytta biz týyndylarymyzdy balet, opera sııaqty basqa janrlarmen, sondaı-aq sımfonııalyq jáne halyq orkestrlerimen birlesip jasap kelemiz. Taqyrypqa qaraı shyǵarmalarymyzda túrki, ıran, ózbek, qytaı motıvterin de qoldanamyz», deıdi E.Jámenkeev.
Ol kelesi jyly ansambldiń Almatyda úlken jeke konsertin ótkizýdi josparlap otyrǵanyn jetkizdi.
