FOTO: azattyq-ruhy.kz
Kezdesý barysynda vıse-premer Qazaqstan eńbek mıgranttaryn qabyldaýshy tarap ekenin atap ótti. Qazir memleketimizde 14 eldiń azamattary jumys istep jatyr. Elimizde arnaıy ruqsat qaǵazy arqyly eńbek etýge bilikti kadrlar tartylýda. Respýblıkada olardyń qyzmetin retteıtin tıisti zań qabyldandy.
«Sondaı-aq bizdiń otandastarymyz da alys-jaqyn shetelde jumys istep júr. Qazirde qazaqstandyqtar eńbek etip jatqan birqatar memleketpen, onyń ishinde Koreıa Respýblıkasymen kelissózder júrgizip jatyrmyz. Biz shetelde jumys istep júrgen azamattarymyzdy qorǵaýǵa múddelimiz», – dedi Tamara Dúısenova.
О́z kezeginde Te-ık Chjo álemniń 16 elinde Ońtústik Koreıada jumysqa ornalasýǵa ruqsat berý júıesi (EPS) boıynsha oqytý ortalyqtary jumys isteıtinin atap ótti. Ondaǵy mamandar til, salalyq daǵdylar, zańnamany úıretedi.
Sonymen qatar vıse-premer biliktiligi joǵary mamandardy daıarlaýda tájirıbe almasý múmkindigin qarastyrýdy usyndy.
