Foto: Vıdeoskrın, almaty_police_department
Memleket basshysynyń tapsyrmasy boıynsha bıylǵy jyldyń 23 qańtarynan bastap Qazaqstanǵa 2022 jylǵy 1 qyrkúıekke deıin ákelingen kólikterdi memlekettik tirkeý júrgizilip jatyr.
Almaty qalalyq PD Ákimshilik polısııa Basqarmasy Prosessıng ortalyǵynyń málimetinshe, naýqan bastalǵaly barlyǵy 25 myń 570 sheteldik avtokólik tirkelse, onyń 8 myń 727-si oń rýldi.
Qala polısııasy osy jyldyń 1 shildesine deıin sheteldik kólikterdi zańdastyrý týraly berilgen ótinishter tek bıylǵy 31 jeltoqsanǵa deıin qaralatynyn eske saldy.
Ýaqyttyń shekteýliligin eskerte otyryp, polısııa kólik ıelerin zańdastyrý rásimin aıaqtap, kólik quraldaryn tirkeýge shaqyrdy.
