Sanjar Kerimbaı men Ádilbek Nəbı birlese jazyp, «Otbasy hrestomatııasy» baspasynan shyqqan kitap lentasyn Parlament Májilisiniń depýtaty Qazybek Isa, Mádenıet jáne aqparat mınıstrligi Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet, Prezıdent janyndaǵy memlekettik basqarý akademııasy Basqarý ınstıtýtynyń dırektory Zulpyhar Ǵaıypov, «Qazaqstan máslıhattary depýtattarynyń birlestigi» RQB tóraǵasy Tóleýbek Muqashev, Ulttyq akademııalyq kitaphana dırektory Ǵazıza Qudaıbergen, qaıratkerdiń shákirtteri, QazKSR eńbek sińirgen ártisteri Muhtarhan Manapuly men Toıǵan Izim jáne birtýar tulǵanyń balasy Nıetjan О́zbekáliuly qıyp, sóz sóıledi. Jıyndy belgili jýrnalıst Zeıin Álipbek júrgizdi.
Kitaptyń tusaýkeser rásimine halyq kóp jınaldy. Ine shansharlyq oryn joq dese bolǵandaı. Tulǵaǵa degen halyqtyń yqylasy desti sóz sóılegender. «Osy kitappen О́zbekáliniń jańa dáýiri bastaldy. Ádiletti Qazaqstannyń bas qaharmany retinde osyndaı tulǵalar sanalýy kerek. О́zaǵań keńes bıliginiń qylyshynan qan tamyp turǵan 1988 jyly Shákárim Qudaıberdiuly, Ahmet Baıtursynuly, Maǵjan Jumabaev, Mirjaqyp Dýlatuly, Júsipbek Aımaýytuly syndy Alash arystaryn aqtaýdyń basynda turdy. Ol qandaı kúrespen, qandaı aıqaspen kelgenin bile bermeımiz. Táýelsizdik alǵanymyzǵa birtalaı jyl ótse de, sol aıqas áli jalǵasyp keledi. Al ol zamandaǵy aıqasty elestetýdiń ózi qıyn. Sondyqtan О́zbekáli esimi Qazaqstannyń kez kelgen qalasynda saltanat qurýǵa tıis», dedi Parlament Májilisiniń depýtaty, aqyn Qazybek Isa.
«Zertteýshiler óner týyndysyn gorızontal jáne vertıkal uǵymdarymen taldap jatady. Bul uǵymdardy óner jáne qoǵam qaıratkerleriniń atqarǵan isterin saralaǵanda da paıdalanýǵa bolady. Gorızontal tulǵalar kókjıekti keńeıtken, kóldeı kósilip, darııadaı jaıylǵan murasy bar, ıaǵnı óz zamanymen, ýaqyt aǵysymen birge irgeli jumystar jasaǵan tulǵalar. Al vertıkal tulǵalar zaman qabattary men keńistikterin báıterekteı tik ósip, buzyp jaryp, bıiktetip tastaǵandar. Qazaqtyń mańdaıyna bitken О́zbekáli Jánibek sondaı tulǵa. Taǵdyrly kezde tarıhı sheshimderdi qabyldap, rýhanııat tamyryn dóp basqan biregeı tulǵanyń eren eńbegi óner adamdaryna ǵana emes, ár memlekettik qyzmetkerge úlgi-ónege. Men osyndaǵy jurtshylyqqa Mádenıet jáne aqparat mınıstri Aıda Ǵalymqyzynyń quttyqtaýyn jetkizgim keledi. Osyndaı qundy eńbektiń shyǵýyna sebepker tulǵalarǵa, «Otbasy hrestomatııasy» baspasyna, avtorlarǵa myń alǵys», dedi mınıstrliktiń Arhıv, qujattama jáne kitap isi komıteti Kitap isi basqarmasynyń basshysy Almaz Myrzahmet.
Sonymen qatar Senat spıkeri Máýlen Áshimbaev, Túrkistan oblysy ákiminiń orynbasary Beısen Tájibaev, Túrkistan oblystyq máslıhatynyń tóraǵasy Nuraly Ábishev, Otyrar aýdany ákimi Sáken Sultanhanovtyń quttyqtaý hattary oqyldy. Astana qalasy ákiminiń orynbasary Eset Baıken sóz alyp, qala basshysy Jeńis Qasymbektiń quttyqtaýyn jetkizdi.
Jıyn barysynda О́zbekáliniń elden kelgen aǵaıyny Kerimqul Pirimqululy kitap avtorlary Sanjar Kerimbaı men Ádilbek Nəbıge shapan jaýyp, mereıin asyrdy.
Qaıratkerdiń kózin kórgen zamandasy, «Qazaqstan máslıhattary depýtattarynyń birlestigi» RQB tóraǵasy Tóleýbek Muqashev sózinde avtorlar tarapynan tamasha jumys jasalǵanyn aıryqsha atady.
«Aıtýly tulǵa týraly estelikter men oqıǵalar, mədenıet salasyndaǵy is-qımyly tereń zerdelengen. Memleket qurý men ulttyq ıdeologııa jasaýdaǵy róli de keńinen taldanyp, adamı bolmysyna ekzıstensııalyq taldaý jasalǵan. Biz bilgen О́zaǵań da osy kitapta sıpattalǵandaı qaıratty da isker jan bolatyn. Jaı isker emes, rýhanı isker basshylar qatarynan edi», dedi ol.
Senat spıkeri Máýlen Áshimbaevtyń quttyqtaý hatynda: «О́zbekáli aǵamyz qaı qyzmette júrse de ultymyzdyń tarıhyn, tóltýma mádenıetin, salt-dástúrin, tilin jańǵyrtýǵa jáne qorǵaýǵa zor eńbek sińirdi. Alash rýhy qalyqtaǵan Torǵaı óńirin qaıta túletýge kúsh saldy. Alash arystaryn aqtaý isine tikeleı aralasty. Kóne jádigerlerimizdi jınaqtaý arqyly ultymyzdyń mádenı áleýetin jarqyrata kórsetýge súbeli úles qosty. Kitap memleket qaıratkeriniń osy atalǵan jáne ózge de eńbekterin jan-jaqty zerdeleý arqyly О́zbekáli Jánibektiń azamattyq, saıası tulǵasyn jaqsy asha bilgen. Bul jınaq jalpy oqyrman, onyń ishinde óskeleń urpaq úshin úlgili baǵdar bolady dep senemiz», delingen.
«Ákemizdiń elge sińirgen eńbegi baspa arqyly qaıta jańǵyryp jatqany otbasymyzdy qanattandyrdy. Osynshama kóz maıyn taýysa izdenip eńbek etken avtorlarǵa alǵystan basqa aıtarymyz joq. О́z dáýiriniń ult úshin kúresiniń jarqyn sımvoly bolǵan ákem jańa zamannyń da ıdeologııalyq, tálimdik qajettiligine jaraǵaly tur», dedi Nıetjan О́zbekáliuly.
Qazaq tarıhy men mádenıetin jańǵyrtýǵa, ulttyń baı murasyn keleshek urpaqqa jetkizýge orasan eńbek sińirgen memleket jáne qoǵam qaıratkeri qazaq tilin damytý baǵdarlamasynyń memlekettik tujyrymdamasyn jasaýǵa qatysty. Eldegi kóptegen mýzeı men teatr, mádenıet oryndaryn ashqany óz aldyna bólek áńgime.
Avtorlar Atyraý, Qostanaı, Arqalyq, Astana, Semeı, Shymkent, Pavlodarǵa ekspedısııa jasap, qaıratkerdiń kózin kórgen, onymen qyzmettes bolǵan kisilermen suhbattasqanyn aıtty. Buryn beımálim bolyp kelgen estelikter arqyly tulǵany san qyrynan tanytqany baıqalady. Máselen, Torǵaı oblysynyń qalaı ashylǵany, onyń keıin qandaı saıası sebeppen jabylǵany týraly naqty derekterdi alǵa tartty. Kitap О́zbekálideı tulǵa ómirine toqtalý arqyly keńestik kezeńdegi qazaq halqynyń eldik sanasy men bostandyqqa umtylystary týraly jańa kózqaras qalyptastyratynyn basa aıtqan jón.
Jıyn sońynda Sanjar Kerimbaı men Ádilbek Nəbı osy baǵytta mádenı-tanymdyq jobalaryn jalǵastyratynyn habarlady.
