«Men ekport kólemin 2026 jylǵa qaraı bir mıllıard dollarǵa jetkizý mindetin júktedim. Biz iri ónerkásiptik óndiristen bastap, shaǵyn servıstik jobalarǵa deıingi ekonomıkanyń barlyq salasyn odan ári sıfrlandyrýǵa basa mán beremiz. Biraq bosańsýǵa, jetistikterge toqmeıilsýge bolmaıdy», deıdi Memleket basshysy.
Prezıdenttiń aıtýynsha elimiz jahandyq sıfrlyq tehnologııa ortalyǵy retindegi ornyn nyǵaıtýy kerek.
«Qazaqstan iri halyqaralyq IT kompanııalardyń keńseleri ornalasatyn aýmaq bola alady jáne bolýǵa tıis. Munyń bári – bizdiń jumysymyzdyń mindetteri men naqty nátıjeleriniń az ǵana bóligi. Barlyq saladaǵy ózgeristerdiń qarqynyn arttyryp, odan ári damyta berýge mindettimiz. Túrli salada qordalanǵan problemalar az emes. Bul jaǵdaıǵa azamattardyń alańdaýy – zańdylyq. Úkimettiń kún saıynǵy jáne júıeli jumystarynyń nátıjesinde barlyq ózekti másele birtindep sheshilip keledi. Degenmen elimizdiń damý jolynda qýatty serpilis jasaý úshin kúndelikti máselelerdi sheship qana qoımaı, memleketimizdiń bolashaǵyna qatysty ózindik ustanymymyzdy anyqtaý, ulttyń jańa sapasyn qalyptastyrý, jekelegen jáne ujymdyq qundylyqtar júıesin jetildirý mańyzdy», deıdi el Prezıdenti.
