aqparatqogam
Kezdesý barysynda Qazaqstan men AQSh-ta iske asyrylyp jatqan baǵdarlamalar men bastamalar sheńberindegi yntymaqtastyqtyń ózekti máseleleri talqylanyp, ózara is-qımyldyń túrli aspektilerine, sonyń ishinde mádenı jáne aqparattyq jobalar saralandy. Aıda Balaeva elshige aqparat, mádenıet, din jáne azamattyq qoǵam salasyndaǵy belsendi ári jemisti yntymaqtastyǵy úshin alǵys bildirip, «Mass-medıa týraly» zań jobasymen tanystyrdy.
«Biz dıalogqa ashyqpyz. Bizdiń tarıhymyz ben mádenıetimiz óte baı, biz olardy shetelde tanymal etý strategııalyq mindetin qoıyp otyrmyz. Osyǵan baılanysty Qazaqstannyń Amerıkadaǵy mádenıet kúnderin uıymdastyrý, qazaq halqynyń ejelgi tarıhy men mýzeı-qoryqtar týraly derekti fılmder serııasyn aǵylshyn tilinde jasaý jónindegi jobany iske asyrýǵa usynys aıtqym keledi. Bul jobalar mádenı-gýmanıtarlyq saladaǵy yntymaqtastyǵymyzdy tereńdetýge jáne mádenı murany nasıhattaýǵa, ǵalymdarǵa elimizdiń tarıhı-mádenı murasyn zertteýge yqpal etýge, Qazaqstanǵa týrısterdi tartýǵa orasan zor mýltıplıkatıvtik áser beretinine senimdimin», dedi mınıstr.
«Elshilik mınıstrliktiń jergilikti jáne qazaq tildi BAQ-pen mádenı kontentti keńeıtý jónindegi jumysyn qoldaıdy. Sizderdi QazaqForum-da kóremiz degen úmittemiz. Forým 2024 jyly mádenı baılanystar men qazaq tilin damytý maqsatynda jetinshi ret uıymdastyrylady», dedi Denıel Rozenblıým. Kezdesýdi qorytyndylaǵan qos tarap Qazaqstan men AQSh arasyndaǵy mádenıet pen aqparat órisindegi yntymaqtastyqty tereńdeı damytýǵa ýaǵdalasty.
