Álemge tanymal ánshi Dımash Qudaıbergenniń anasy ultabar taǵamynyń qadir-qasıetine toqtalyp, súıinshi jańalyǵyn bólisti.
«Ultabar - qazaqtyń óte ádemi taǵamdarynyń biri. Maldyń qarynynyń bir bóligi ǵoı. Biraq qazaq árbir taǵamǵa qatty mán bergen, al ultabardy erekshe baǵalaıdy. Nege ultabardy tańdadyq? Sebebi bul áıel adamdarǵa jaqyndaý. Atynyń ózi qandaı ıá? Biz uldyń ózin shańyraqqa ıe bop qalady dep baǵalaımyz. Atustar dúnıege keldi dep jatamyz», dedi óner ıesi.
Svetlana Aıtbaeva ultabar jegen kelini bosanǵanyn aıtty.
«Búgin de bir jaqsy jańalyq, kelinimiz uldy bolyp, atustar dúnıege ákelip, qazir perzenthanaǵa baryp, sol kelindi shyǵaryp alamyz. Ol da osyndaı ultabardyń dámin tatqan jaqsy kelin. Luqpan Joldasovtyń uly Bolattyń bópesi. Ultabardy syıtabaqtarǵa salady ǵoı, biraq et týrap otyrǵan adam ony ańǵaryp, ultabardyń shetki, shoshaıyp turǵan bóligin jas kelinge usynady. «Ul tapsyn, uldy bolsyn» degen maqsatta jegizedi», dedi Svetlana Aıtbaeva.
