Astana qalasy ákiminiń orynbasary Evgenıı Glotovtyń baıandaýynsha, alǵashqy jartyjyldyqta elordanyń aımaqtyq jalpy óniminiń kólemi 4,7 trıllıon teńgeni quraǵan. О́sim kórsetkishi – 4,1 paıyz. AJО́ qurylymyndaǵy úlestiń basym bóligi, ıaǵnı 73 paıyzdan astamy shaǵyn jáne orta bızneske tıesili. Al ınvestısııanyń úlesi – 11,5 paıyz.
Investısııa tartý isinde №1 Indýstrııalyq park aıryqsha ról atqarady. Munda jalpy ınvestısııa somasy 322 mıllıard teńge bolatyn 100 joba júzege asyrylyp jatyr. Park óndiris aýqymy jaǵynan respýblıkada birinshi oryn alady. Iske qosylǵan sátten beri óndiris alańynda 6,7 trıllıon teńgeniń ónimi shyǵarylǵan. Prezıdent elordanyń damýyna iri óndiris oryndary asa qajet ekenin aıtty.
«Astana halqynyń sany ósip keledi. Taıaý jyldary 1,5-2 mıllıon adamǵa jetýi múmkin. Sondyqtan turǵyndardy, jastardy jumyspen qamtamasyz etýimiz kerek», dedi Qasym-Jomart Toqaev.
