Foto: Astana qalasynyń ákimdigi
«Ýchaskelik qyzmetkerler qoǵamdyq tártipti kúndelikti qamtamasyz etedi. Olardyń jumysynyń arqasynda elordada quqyq buzý sany azaıyp, qala turǵyndaryna kómek kórsetiledi. Olardyń jumysy kúrdeli, jaýapty ári mańyzdy. Olar myńdaǵan adamdy qaýipten qutqaryp qaldy», dep jazdy qala ákimi.
Jeńis Qasymbektiń aıtýynsha, qalada elordanyń úzdik ýchaskelik ınspektoryn anyqtaıtyn konkýrs ótti. Bul ataqqa Asqar Papyshev ıe boldy. Ol birneshe jyldan beri ýchaskelik ınspektor bolyp jumys istep keledi. Búginge deıin ózin kásibı maman, jaýapty ári bastamashyl qyzmetker retinde kórsete bildi. Bıyl Asqar Papyshev birneshe bala men áıel adamdy úlken qaýipten qutqaryp qaldy, ınspektor olardyń 9-qabattan qulap ketýine jol bermedi. Biraq bul onyń batyl qadamdarynyń biri ǵana.
«Memleket basshysy jergilikti polısııa qyzmetin reformalaý aıasynda quqyq buzýshylyqtyń aldyn alý salasyndaǵy negizgi býyn bolyp sanalatyn ýchaskelik polısııa ınspektorlarynyń róli zor ekenin atap ótti. Qalalyq Polısııa departamentimen birlesip, materıaldyq-tehnıkalyq bazany, ýchaskelik pýnkterdi, qyzmetkerlerdiń eńbek jaǵdaıyn jaqsartý; ýchaskelik ınspektorlar sanyn kóbeıtý sekildi t.b. jumystardy jalǵastyramyz», dep jazdy Jeńis Qasymbek.
