Toǵyz qabatty úsh jataqhananyń jalpy aýdany 49 703,94 sharshy metrdi, al ǵımaratty salýǵa bólingen aýmaq 1,24 gektardy quraıdy. Stýdentter úıiniń ár qabatynda zamanaýı oqý zaldary, demalys oryndary, ashana, kofehana, sportzal, turmystyq bólmeler qarastyrylǵan. 70 sharshy metrlik tolyqqandy jabdyqtalǵan bir bólme 4 adamǵa arnalǵan.
Onyń ishinde úsh jataqhanada ınklıýzıvti bilim berý talaptaryn oryndaý maqsatynda múmkindigi shekteýli bilim alýshy jastarǵa arnaıy 132 tósek-oryn qarastyrylǵan.
Saltanatty sharaǵa ýnıversıtet basshylyǵy, QazUÝ ardagerleri, ınvestorlar, BAQ ókilderi, oqý ordasynyń oqytýshy-professorlar quramy men bilim alýshy jastar qatysty.
Jańadan boı kóteretin jataqhanalar Prezıdent tapsyrmasymen, QR Úkimetiniń qoldaýymen júzege asyp otyr. Sáýir aıynda II kezeńniń bastalýyna baılanysty estelik kapsýla salynǵan bolatyn.
«QazUÝ-dyń II damý jospary boıynsha qalashyqta jalpy 12 jataqhana, 8 oqý korpýsy boı kóteredi. Basty maqsat – bilim alýshylar úshin turǵynjaı tapshylyǵyn qysqartý.
Jańa jyl qarsańynda 4 oqý korpýsy, qańtar aıynda 35 000 sharshy metr emhana qurylysy bastalady. Medısınalyq ortalyqta polıklınıka, medısına jáne densaýlyq saqtaý fakýlteti, stomatologııa jumys isteıtin bolady. Buǵan qosa, qyzmetkerlerge arnalǵan turǵynjaı, ınnovasııalyq ortalyq, IT hab, sporttyq-saýyqtyrý ortalyǵy t.b ǵımarattar salynady.
QazUÝ qalashyǵynyń II damý jospary aldaǵy ýaqytta kezeń-kezeńimen júzege asyrylmaq. Bul qurylys jumystary aldaǵy 3 jylǵa josparlanyp otyr. Aldaǵy kúzde QazUÝ 90 jyldyǵyn saltanatty túrde atap ótedi. Buıyrtsa, osy qýanyshqa oraı alǵashqy jataqhana paıdalanýǵa beriledi», dedi rektor óz sózinde.
Qazirgi tańda ál-Farabı atyndaǵy QazUÝ-da 15 jataqhana bar. Onda oqý ordasynyń 6 myńǵa jýyq stýdenti ornalasqan.
ALMATY
