Onyń ishinde 62 nysannyń qurylysy jyldyń sońyna deıin aıaqtalyp, 50 eldi meken tabıǵı gazben qamtylady. Osy rette keshe Jetisaı aýdanyna qarasty 4 eldi mekenge tabıǵı gaz berildi. Jyl sońyna deıin taǵy 2 eldi mekendi gazǵa qosý josparlanyp otyr.
Búginde aýdandaǵy 105 eldi mekenniń 56-sy, ıaǵnı turǵyndardyń 53 paıyzy tabıǵı gazǵa qosylǵan. Odan bólek, jalpy quny 2,5 mlrd teńgeni quraıtyn Jańa aýyl, Dostyq aýyldyq okrýgterindegi eldi mekenderge jetkizýshi gaz qubyryn salý jumystaryn júrgizip jatyr.
Aýdan ákiminiń tapsyrmasymen jyldyń basynda qurylysy bastalǵan 14 tabıǵı gaz berý nysandarynyń búginde jeteýi tolyǵymen qoldanysqa berilip otyr. Qalǵan úsheýi jyl sońyna deıin tapsyrylsa, kelesi jyly taǵy 12 eldi meken kógildir otynnyń qyzyǵyn kóredi dep josparlanyp otyr.
Aýdandaǵy gazdandyrý jumystarynyń qarqyndy júrgizilýiniń nátıjesinde mereke qarsańynda Otan eldi mekenimen qatar, Jyly sý aýyldyq okrýgindegi Baıqonys, Seıfýllın jáne Ál-Farabı eldi mekenderi de tabıǵı gazǵa qosyldy.
Sonymen qatar Qyzylqum aýyldyq okrýgindegi Qarasaqal eldi mekenine magıstraldy gaz qubyrynyń qurylysy, Jańa aýyl aýyldyq okrýgine qarasty Ábdihalyq, Myrzashól, Ataqonys eldi mekenderin gazdandyrýǵa merdiger mekemeni anyqtaý maqsatynda memlekettik satyp alý jumystary júrgizilý ústinde.
Túrkistan oblysy,
Jetisaı aýdany
