Kórmege otandyq jáne sheteldik qylqalam sheberleriniń 270-ten asa jumystary qoıyldy. Olardyń deni: keskindemelik, grafıkalyq, músin, gobelen, keramıka jáne kıizden jasalǵan buıymdar. Ásirese ulttyq beıneleý óneriniń barlyq býynynyń kartınalarynda halqymyzdyń tarıhy, ómiri, turmysy shynaıy beınelengen. Bir jaǵynan, munda Sýretshiler odaǵynyń 90 jyldyq tarıhy tunyp tur. Sondaı-aq basqa da sýretshilerdiń týyndylarynda tabıǵattyń sulýlyǵy, úılesimdiligi, ańyzdar men ejelgi qupııalar, qazirgi dala men qala ómiri barynsha kórinis tapqan.
Is-sharanyń ashylýynda Mádenıet jáne aqparat vıse-mınıstri Danııar Qadyrov Sýretshiler odaǵynyń 90 jyldyq mereıtoıy týraly jyly lebizin bildirip, mınıstr Aıda Balaevanyń quttyqtaýyn oqyp berdi. Odan keıin sóz alǵan Qazaqstan Sýretshiler odaǵynyń tóraǵasy О́mirbek Jubanııazov: «Bıyl – biz úshin erekshe jyl. Bizdiń Odaqtyń qurylǵanyna 90 jyl toldy. Soǵan oraı ótip otyrǵan kórmeniń ereksheligi – oǵan otandyq qana emes, 10 eldiń sýretshileri de qatysyp, qoldaý kórsetti. Osynda qoıylǵan sheteldik qylqalam sheberleriniń týyndylary Ulttyq mýzeı men Á.Qasteev atyndaǵy óner murajaıynyń qoryna tapsyrylady. Osy is-sharany ótkizýge muryndyq bolǵan barsha uıymǵa alǵysymdy aıtamyn», dedi ol.
Sonymen qatar is-shara aıasynda dóńgelek ústel májilisi ótip, onda Qazaqstan Sýretshiler odaǵynyń tarıhy, onyń irgesin qalaǵan tulǵalar týraly jáne odaqtyń búgingi hal-ahýaly jaıynda tyń oılar, parasatty pikirler aıtyldy.
