– Dál qazir biz tarıhı sátti bastan ótkerýdemiz. Tártipti qamtamasyz etý men naýqas janyna arasha túsý – bul qoǵamnyń damýyna septigi mol myzǵymas qural qashanda. Aımaǵymyzǵa óziniń áleýmettik baǵdarlamasy bar jańa ınvestor keldi. Endi mine, halyqtyń ıgiligine eńbek eter jandarǵa arnaıy kólikter berilip otyr. Metallýrgııa kombınaty aımaqtyń áleýmettik-ekonomıkalyq ómirinde erekshe oryn alatyny qýantady, – dedi oblys ákiminiń orynbasary Erlan Qusaıyn kilt tabystaý kezinde.
Sýdaı jańa avtokólikter – «Qarmet» kásipornynyń tartýy. Polısııa qyzmetine 10, jedel járdemge 5 kólik berildi. Kólikter Chevrolet jáne JAC markaly. Jańa kólikter tolyǵymen zamanaýı qurylǵylarmen jabdyqtalǵan.
«Qaýipsizdik máselesi qaraǵandylyqtar úshin birinshi orynda turýy tıis. Bul tek kombınatqa nemese shahtalarǵa ǵana qatysty emes, qala ishindegi qaýipsizdiktiń máni zor. Az da bolsa, bizdiń qosyp jatqan úlesimiz osynaý qala halqynyń, onyń ishinde, elge qyzmet etken jandarǵa paıdaly bolady dep úmittenemiz», dedi «Qarmet» bas dırektory Vadım Basın.
Jańa ınvestordyń aımaǵymyzǵa ákelgen alǵashqy ıgi syıy – osy.
Qaraǵandy oblysy
