Foto: Ashyq derekkóz
Qaýipsizdikti qamtamasyz etýge polısııa departamenti patrýldik polısııa batalonynyń barlyq aýysymdary ǵana emes, tipti bul bólinistiń basshylyǵy da jumyldyryldy. «Astana – Petropavl» avtojolynyń Taıynsha aýdany arqyly ótetin ýchaskesinde aýyr júk kólikteri qatty jel men kóktaıǵaqtyń saldarynan dóńes ýchaskelerge kóterile almaı, 27 jeltoqsannyń tańynda bul jerde 80-ge jýyq fýra jınalyp qaldy.
Mamlıýt aýdanynda Qostanaı qalasynan Petropavl qalasyna aýyl sharýashylyǵy tehnıkasynyń qosalqy bólshekterin ákele jatqan «Volvo» fýrasynyń tirkemesi joldan shyǵyp ketti. Tirkemeni shyǵaryp alý úshin qajetti jumystar júrgizilip jatyr. Oblys aýmaǵynda bir túnde barlyǵy 7 avtokólik osyndaı jaǵdaıǵa tap boldy, olardyń barlyǵy shyǵaryp alyndy.
Jabyq joldarda barlyǵy 159 júk jáne 132 jeńil kólik turyp qaldy. Polıseıler, múddeli qyzmetter men memlekettik organdardyń qyzmetkerleri 240-tan astam adamdy qar qursaýynan bosatty. Olardyń birazy jylytý oryndaryna jetkizdi. Qol sozym jer kórinbeıtin qarly boranda polıseıler eldi mekenderge 30-40 mashınadan quralǵan 7 avtokólikter legin jetkizdi. Mamlıýt aýdanynyń ortalyǵy Mamlıýtka qalasyndaǵy bilim berý mekemeleriniń birine tamaqtanyp, jylyný úshin 80-nen astam adam ornalastyrdy. Olardyń qatarynda Reseıden Tájikstanǵa tranzıt arqyly bara jatqan avtobýstyń 70 jolaýshysy da boldy, onyń 17-si balalar.
Qazirgi ýaqytta óńirde aýa-raıy turaqtalyp keledi, joldar qar úıindilerinen tazartylǵannan keıin kólik qozǵalysyn jandandyrý josparlanyp otyr.
