Ǵylymı ortalyqta jol kartasynyń jobasy jáne ǵylymı-zertteý ınstıtýttary, tájirıbesi mol sharýashylyqtar men aýyl sharýashylyǵy taýaryn óndirýshiler arasyndaǵy ózara is-qımyl júıesiniń jańa, ońtaılandyrylǵan qurylymy ázirlendi. Atap aıtqanda, ońtústikte mal jáne ósimdik sharýashylyqtary, maqta jáne kókónis ósirýmen aınalysatyn 4 túrli enshiles uıymdy «Ońtústik» ǵylymı-óndiristik ortalyǵyna biriktirý usynylady. Jańa ǴО́O nysandardy qarjylyq jaǵynan saýyqtyryp, óńirdiń agrarshylarymen belsendi ózara is-qımyldy qamtamasyz etip, jabyq topyraq, tıimdi sýarý jáne kókónis ósirý ortalyqtaryn qurady. S.Seıfýllın atyndaǵy QazATÝ-dan UAǴBO-ǵa qaıta berilgen enshiles uıymdar qatarynda A.I. Baraev atyndaǵy AShǴО́O, SQ AShTS bar.
Á.Bókeıhanov atyndaǵy Qazaq orman sharýashylyǵy jáne aglomerasııa ǵylymı-zertteý ınstıtýty Ekologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıtetine berildi. Sondaı-aq UAǴBO qurylymyn ońtaılandyrý eki enshiles uıymdy ártúrli menshik úlesimen ákimdikterge berýdi kózdeıdi. Atap aıtqanda, Aqtóbe oblysynda óńirlik tájirıbelik sharýashylyq bazasynda jylqy sharýashylyǵy ınstıtýtyn qurý josparlanyp otyr.
Sonymen qatar ǵylymı agrarlyq ortalyqty transformasııalaýda seleksııa men tuqym sharýashylyǵyn damytýdyń keshendi josparyn iske asyrýǵa kóp kóńil bólinedi. Bastapqy tuqym sharýashylyǵyn damytý, seleksııalyq tehnıka men jabdyqtardy jańartý, tuqym sharýashylyǵynyń tıimdi júıesin qurý jónindegi sharalar ázirlendi.
«Qazaqstanda tuqym sharýashylyǵynyń qoldanystaǵy shemasy durys jumys istemeıdi. Tuqym ósirý shemasy buzylǵan, qadaǵalanbaıdy. Sondaı-aq bıotehnologııanyń zamanaýı ádisterin qoldaný arqyly jańa suryptardy ósirý merzimin eki ese qysqartý qajet: 12-15 jastan 5-7 jasqa deıin. Tuqym saqtandyrý qoryn qurý qajettigi týyndady. Otandyq sorttardy tıimdi kommersııalandyrý úshin ósimdik, tuqym sharýashylyǵy jáne seleksııa salasyndaǵy UAǴBO, jekemenshik kompanııalar men halyqaralyq ortalyqtardyń orıgınatorlarynyń kúsh-jigerin biriktirýdi usynamyz», dedi UAǴBO basqarma tóraǵasy Baýyrjan Qasenov.
Keńesti qorytyndylaı kele, Serik Jumanǵarın ǵylym men onyń nátıjelerin kommersııalandyrý arasyndaǵy joldy barynsha qysqartý úshin halyqaralyq kompanııalar men bıznestiń tájirıbesin eskere otyryp, múddeli organdar men ǵalymdardyń barlyǵymen UAǴBO-ny transformasııalaý josparlaryn taǵy da talqylaýdy tapsyrdy.
