Sanıtarııalyq-epıdemıologııalyq saraptama ortalyǵynda qorshaǵan orta obektilerine jáne tamaq ónimderine bakterıologııalyq, molekýlıarlyq-genetıkalyq, parazıtologııalyq, sanıtarııalyq-hımııalyq jáne toksıkologııalyq, radıologııalyq zertteý jumystary júrgiziledi.
Memleket basshysyna Ortalyqtaǵy zamanaýı quraldarmen jabdyqtalǵan jáne eń jańa ádistemelerdi paıdalana otyryp, jedel ári naqty nátıjelerdi alýǵa múmkindik beretin zerthanalar tanystyryldy. Onda zamanaýı analızatorlarmen birge agressıvti-hımııalyq reaktıvterdi qajet etpeıtin, ekspress-ádistemelerdi qoldanatyn portatıvti zerthanalyq qurylǵylar ornatylǵan. Bul zertteý ýaqytyn edáýir qysqartyp qana qoımaı, qarjyny da únemdeıdi.
Qazaqstan Respýblıkasy Prezıdentiniń Is basqarmasy Medısınalyq ortalyǵynyń basshysy Alekseı Soıdyń aıtýynsha, Sanıtarııalyq-epıdemııalyq saraptama ortalyǵynda 8 zerthana jumys isteıdi. Aldaǵy ýaqytta zertteýler nomenklatýrasyn jylyna 2000-ǵa deıin keńeıtý kózdelip otyr.
Sonymen qatar zertteýlerdiń jańa túrlerin, halyqaralyq sapa jáne quzyrettilik standarttaryn engizý nátıjesinde Ortalyq Referens zerthana mártebesine ıe bola alady. Iаǵnı, basqa zerthanalardaǵy kúmán týdyrǵan zertteýlerdiń durystyǵy men dáldigin osy jerde naqty tekserýge bolady.
Qasym-Jomart Toqaev óz mindetterin úlken jaýapkershilikpen atqaryp júrgen mamandarǵa alǵys aıtyp, jańa saraptama ortalyǵy el ıgiligine qyzmet etetinine senim bildirdi.
Memleket basshysy Medısınalyq ortalyqtyń qoǵamdyq densaýlyq saqtaý isine qosqan úlesi men strategııalyq mańyzy zor ekenin atap ótti.
