ShQO Polısııa departamenti baspasóz qyzmetiniń málimetine súıensek, jol-kólik oqıǵasy 2 qańtarda «О́skemen-Shemonaıha» tasjolynyń segizinshi shaqyrymynda bolǵan.
«Ývarovo aýylyna burylysqa jaqyn jerde Toyota Corona Premio men Tayota Vista kólikteri soqtyǵysqan. Sonyń saldarynan tórt adam qaza boldy. Onyń ekeýi kámelet jasyna tolmaǵan», dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq Kodekstiń 345- baby 4-bóligimen (Abaısyzda eki nemese odan kóp adamnyń ólimine ákep soqqan jol qozǵalysy erejelerin buzý) sotqa deıingi tergeý amaldary júrgizilip jatyr. Tıisti saraptamalar taǵaıyndalǵan. Oqıǵanyń mán-jaıy anyqtalyp jatyr.
