Prezıdent Qasym-Jomart Toqaev «Egemen Qazaqstan» gazetine bergen suhbatynda 2024 jyly toılaý josparlanyp otyrǵan tulǵalardyń mereıtoılaryn atap ótken bolatyn. «El tarıhynda erekshe orny bar tulǵalarǵa qurmet kórsetý dástúri elimizdiń jalpyulttyq biregeıligin nyǵaıta túsýge zor septigin tıgizedi. Bıyl áıgili ǵalym Qanysh Sátbaevtyń týǵanyna 125, dańqty batyrlar Saǵadat Nurmaǵambetov pen Raqymjan Qoshqarbaevtyń týǵanyna 100 jyl tolady. Sonymen qatar tarıhshylardyń paıymdaýynsha, Joshy ulysynyń irgesi qalanǵanyna – 800 jyl. Memlekettiligimizdiń tamyry tym tereńde jatqanyn áıgileıtin osy aıtýly dataǵa oraı keń aýqymdy zertteýler qolǵa alynady».
Budan bólek, bıyl halyq aqyny, kúmis kómeı ánshi ári kompozıtor Kenen Ázirbaevtyń týǵanyna - 140 jyl tolady.
Osy jyly qazaq halyq mýzykasyn zerdelep, qaǵazǵa túsirip, ulttyq án ónerimizdiń basyn quraǵan etnograf Aleksandr Zataevıchtiń 155 jyldyq mereıtoıy.
HH ǵasyrdaǵy qazaq ádebıetiniń kórnekti ókilderi - Beıimbet Maılın, Ilııas Jansúgirov, Sáken Seıfýllınniń týǵanyna - 130 jyl bolsa, jazýshy, pýblısıst, dramatýrg Júsipbek Aımaýytovtyń 135 jyldyq mereıli datasy osy jylǵa tuspa-tus kelip tur.
Sondaı-aq 2024 jyly qajyrly qaıratker Turar Rysqulovtyń da týǵanyna 130 jyl bolady.
Arheologııalyq jáne etnografııalyq zertteýshi, ǵalym Álkeı Marǵulannyń, qazaqtan shyqqan tuńǵysh kásibı sýretshi, keskindemeshi Ábilhan Qasteevtiń týǵanyna bıyl - 120 jyl tolady.
Al «Qan men ter» trılogııasynyń avtory, jazýshy Ábdijámil Nurpeıisov pen balalarǵa arnalǵan shoqtyǵy bıik shyǵarmalardy mura etip qaldyrǵan Berdibek Soqpaqbaevtyń da osy jyly 100 jyldyq mereıtoıy bolady.
