«Barmysyń, baýyrym?» habary redaksııasynyń zertteýleri nátıjesinde, «Jánibektiń (Jani Eddy J Saveliev) anasy bolýy múmkin» degen kelinshekti DNQ saraptamasyn jasaýǵa kóndirgenimizdi, zertteý nátıjesi teris shyqqanyn ózderińizge 28 jeltoqsan kúni tikeleı efırde jarııaladyq. Nátıjege deıin, Jazıra degen kelinshektiń tabylǵanyn, ol óziniń 2002 jylǵy qańtarda Arqalyqqa basqa jaqtan baryp bosanǵanyn, uldy bolǵanyn, 4 kúnnen keıin qolhat jazyp ketkenin, tipti óziniń aty-jónin ótirik aıtqanyn da moıyndap otyr. DNQ nátıjesine senimdi bolý úshin basqa klınıkaǵa, ıaǵnı QR Ádilet mınıstrligi Astana qalasy boıynsha sot saraptamalary ınstıtýtynan qan quramy boıynsha zertteý júrgizýdi suraǵan edik. Qorytyndy qolymyzǵa tıdi. Ekinshi nátıje boıynsha da Jazıra Jánibektiń bıologııalyq anasy emes, qorytyndy: 0 %», delingen jazbada.
Avtor bala aýystyrylýy múmkin degen kúdik áli bar ekenin alǵa tartady. О́ıtkeni Jánibektiń anasy dep kórsetilgen, óz qolymen qolhat jazyp ketken jáne búkil oqıǵany moıyndap otyrǵan áıel tabyldy.
